Алевтина Аргунова: «Байыаннай дьайыыга кыттааччыларга уонна кинилэр оҕолоругар көмөнү оҥоруу салҕанар»

Олунньу 15 күнүгэр брифинг кэмигэр үөрэх уонна наука миниистирин бастакы солбуйааччы Алевтина Аргунова 1,5 тыһыынчаттан тахса оҕо босхо аһыыр буолла, 1,8 тыһыынчаттан тахса оҕо чэбдигирдэр лааҕырдарга босхо путевканан туһанна диэн иһитиннэрдэ.

Бу туһунан СӨ Баһылыгын уонна Бырабыыталыстыбатын пресс-сулууспата иһитиннэрэр.

Үөрэх министиэристибэтин дааннайынан, оскуолаҕа киириэн иннинээҕи саастаах оҕолору көрүүгэ оҕо уһуйааннарыгар төлөнөр төлөбүртэн 1,5 тыһыынча кэриҥэ ыал босхоломмут.

Бу көмө Ил Дархан Айсен Николаев  байыаннай дьайыы кыттыылаахтарыгар уонна кинилэр оҕолоругар оҥоһуллар өйөбүл дьаһалларын туһунан Ыйааҕынан оҥоһуллар. Өрөспүүбүлүкэ үөрэҕин тиһигэр барыта 11 социальнай өйөбүл дьаһала көрүллэр.