Дьааҥыга «Алгыс» ТХПК 2015 сыллаахха тэриллибитэ. Этэҥҥэ буоллаҕына, эһиил хаһаайыстыба 10 сылын бэлиэтиэҕэ.
2013 сыллаахха “Россельхозбаантан” кирэдьиит ылан хотон туттубуттара. Хоту дойду дьонун үүтүнэн аһатаары “Полюс холода” ас-үөл кэмбинээтигэр сырьенан хааччыйааччы буоларын оҥорбуттара. Онон, Мэҥэ Хаҥалас улууһун “Тумул” кэпэрэтиибиттэн уонна “Хорообут” ХЭТ-тэн, Уус Алдан улууһун “Лена” кэпэрэтиибиттэн ынах атыылаһан илдьибиттэрэ. Бу сыллар усталарыгар Дьааҥы нэһилиэктэригэр элбэх сүөһүнү атыылаатылар, нэһилиэнньэ биһирэбилин ыллылар.
— Билигин хаһаайыстыбабытыгар 150 сүөһү кыстаан турар. Итинтэн 100 ыанар ынах уонна 50 эдэр сүөһү. Быйыл сүүмэрдээһиҥҥэ кыттан эмиэ сүөһү илдьэр баҕалаахпыт. Бу кыстыкка оппут тиийэр, комбикорм, гранулированнай от эмиэ баар. Саамай сүрүн кыһалҕабыт диэн хотоммут кыараҕас. Ол иһин хотон туттаары 2023 сылга СӨ Тыа хаһаайыстыбатын уонна аска-үөлгэ министиэристибэтин сүмэрдээһинигэр кыттан, 50 бырыһыан үп көрүллүбүтэ, — диир “Полюс холода” уонна “Алгыс ТХПК генеральнай дириэктэрэ, СӨ норуотун хаһаайыстыбатын үтүөлээх үлэһитэ, РФ Агробырамыысыланнай комплексын бочуоттаах үлэһитэ, СӨ Ас-үөл индустриятын туйгуна, “Добрый ангел России” Арассыыйа бастакы бириэмийэтин лауреата, Патриарх Кирилл уордьанын кавалера Екатерина Портнягина.
«Алгыс» ТХПК — бу ыраах сытар Дьааҥы улууһугар собус-соҕотох сүөһү боруодатын тупсарыыга тирэх буолар хаһаайыстыба.
Сылын ахсын өрөспүүбүлүкэ биир киэн туттар бэтэрээн тиэхиник-осеменаторын Мария Габышеваны сөмөлүөтүнэн көтүтэн илдьэн, ынахтарын буоһаттараллар. Итиэннэ сылын ахсын ортотунан 20-лии боруода тыһаҕастары.
Татьяна Протопопова, «Сахаагроплем» СБТ отделын зоотехнига.
Өлүөнэ өрүскэ муус харыыта тахсан, көрүөх бэтэрээ өттүгэр уу таһыма үрдээн, Өлүөхүмэ улууһун хас даҕаны…
Өлүөнэ мууһа бүгүҥҥү туругунан Хаҥалас улууһунан устар. Онон сотору кэминэн суудуналар сырыылара саҕаланыаҕа. СИА суруйарынан,…
Ыксаллаах быһыы-майгы Өлүөхүмэ уонна Ньурба улуустарыгар муниципальнай таһымҥа биллэриллэн, бу оройуоннарга тыҥааһыннаах кэм үүннэ. --…
VIII норуоттар икки ардыларынааҕы «Азия оонньуулара» кыттарга бэлэмнэнии чэрчитинэн, Саха сирин эдэр спортсменнара быйылгы сыл…
Бу күннэргэ тыа хаһаайыстыбатынан дьарыктанар бары көрүҥнээх хаһаайыстыбаларга сааскы ыһыы үлэтигэр бэлэмнэнэллэр диэн Нам улуһуун…
Ис дьыала министиэристибэтин Дьокуускайдааҕы 2-с нүөмэрдээх полициятын отделын дьуһуурунай чааһыгар, бу күннэргэ оскуола үлэһититтэн ноутбук…