Хаартыска: Н.Скрябина тиксэриитэ
Инбэлииттэр Бүтүн Арассыыйатааҕы уопсастыбаларын Саха сиринээҕи тэрилтэтин (И.В.Лебедева) «Сайдыс» литературнай-иһитиннэрэр уонна публицистическай сурунаалын 2-с нүөмэрэ соторутааҕыта бэчээккэ тахсыбыта.
Саха сиригэр Оҕо саас сылын чэрчитинэн, сурунаалга саҥа рубрика баар буолбут. Ол курдук, «Мин сөбүлүүр дьарыгым» диэн оҕолорго аналлаах рубрикаҕа доруобуйаларынан хааччахтаах оҕолор сөбүлүүр дьарыктарын сырдаппыттар. Манна Чурапчы, Таатта, Уус Алдан, Мэҥэ Хаҥалас, Сунтаар, Нам улуустарыттан уонна Дьокуускайтан уопсайа 13 оҕо кыттыбыт.
Кыттыбыт оҕолор соторутааҕыта саҥа сурунаалы эрэ буолбакка, сурунаал эрэдээктэрэ Ньургуйаана Скрябинаттан уонна бу рубриканы спонсордыыр «Перспектива» ХЭУо дириэктэрэ Вадим Андреевич Анисимовтан бэлэхтэри тутан, үөрүүлэрэ икки бүк үрдээтэ.
Саҥа рубриканы ааҕа олорон оҕолорбут барахсаттар ханнык да ыарахаттартан толлубакка, төрөппүттэрин уонна амарах санаалаах дьон өйөбүллэринэн талааннарын арыйарга дьулуурдаахтарын сөҕө-махтайа ааҕаҕын.
Холобур, Галя 1,6 сааһыттан гуашь, акварель, харандаас тутарга үөрэммит, 3 сааһыттан пластилины сөбүлээн туттар буолбут. Манна барытыгар ийэтэ дьарыктаабыт. Билигин Галя үөрэҕиттэн ордор иллэн кэмигэр оскуола иһинэн ыытыллар быыстапкаларга, куонкурустарга уруһуйдарынан, пластилинынан оҥорбут араас дьикти айымньыларынан көхтөөхтүк кыттар. Элбэх ситиһиилээх. Кыысчаан быйыл сахалыы хоһоон күрэҕэр кыттан ситиһиилэнэн, дьонун үөрдэн турар.
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Дьокуускай олохтооҕо дьахтар наркотигынан эргинэн 17 сылга көҥүлэ быһыллар буолла диэн СӨ борокуратуурата иһитиннэрэр. Суут…
Саха сирин олохтоохторо МАХ национальнай мессенджергэ «Мин докумуоннарым» киин чат-ботун көхтөөхтүк туһанар буоллулар. Сервис бу…
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…