Алгысчыт Арчыына уолаттары арчылаан атаарда

Share

Алгысчыт Мария Григорьевна Алексеева-Арчыына анал байыаннай дьайыы сиригэр тиийэн үлэлээбитэ үһүс сылыгар барда. Кини Мариуполь куоракка олорор. Уолаттарбыт кыргыһыыга киирэллэригэр күүстээх алгыһы ыытан, санааларын, куттарын бөҕөргөтөн, тыыннаах тахсалларыгар арчылаан атаарар.

Бэҕэһээ Алгысчыт Арчыына өбүгэттэн ананан кэлбит дьоҕурун сүдү күүһүнэн анал байыаннай дьайыыга сылдьар эр хоһууннарбытын алгыстаан, арчылаан атаарда. Бу туһунан уолаттар: “Эдьиийбит Арчыына кэлэн барда. Алгыстанныбыт, эдьиийбит алаадьытын амсайдыбыт. Этэҥҥэ тахсыахпыт диэн эрэллээхпит», — диэн уолаттарбыт төлөппүөнүнэн биллэрдилэр.

Арчыына билигин ДНӨ Запорожье туһаайыытынан сылдьар.

“Уолаттар санаалара күүстээх, алгыс ыллахтарына, ыраастанныбыт, чэпчээтибит дииллэр. Уолаттарбын уоттаах кыргыһыыттан тыыннаах тахсаллар араҥаччылыыбын. Саллаат уолаттар массыынан илдьэллэр-аҕалаллар. Миэхэ итэҕэйэн алгыстаммыт уолаттар инники кирбииттэн тыыннаах тахсаллар. Ону таһынан түүннэри-күнүстэри сибээстэһэбин. Уолаттар тахсан иһэбит диэн эттилэр да, көрбүөччүлээммин 100 тахса км көрөн миинэ, дрон ханан баарын этэбин. Сүрэхтэрэ ыалдьар уолаттарга валерьянканан хайдах эмтэнэри, төһө курсу иһиэхтээхтэрин сүбэлиибин. Мин 2022 сылтан оҕом анал байыаннай дьайыыга мобилизациянан барыаҕыттан ыла уолаттары кытары үлэлэһэбин. Билигин икки уолум сылдьаллар. Ким мэтээл ыларын эмиэ 5-6 ый инниттэн этээччибин. Төһө кыалларынан, кыаҕым баарынан, үөһэттэн бэриллибит дьоҕурбунан уолаттары араҥаччылыы, арчылыы, харыстыы сылдьабын”, — диэн Алгысчыт Арчыына кэпсиир.

Алгысчыт Арчыына биир дойдулаахтарбытын, эр хоһууннарбытын өстөөх буулдьатыттан харыстыыр, дойдуларыгар тыыннаах төннөллөрүн туһугар кыһаллар. Сүбэ-ама буолан, иннилэригэр туох күүтэрин этэн, ким бааһырарын, ким туохтан сэрэниэхтээҕин сэрэтэн элбэх уол олоҕун быыһаабытын онно сылдьар уолаттар кэпсииллэр.

«Эдьиийим Арчыына атаххын сэрэн диэн штурмҥа киирэрбитигр сэрэппитэ. Кини эппитин курдук аҥар атахпын оһоллоотум. Этэҥҥэ буолан дьиэлиир инибин», — диэн Байыас «Бэлэс» этэр.

«Бааһыран баран арыы тыаттан аһаҕас сиринэн эдьиий Арчыынаттан аартыкпын арыаллаа, араҥаччылаа диэн көрдөһөн-ааттаһан тахсыбытым. Икки буолан этэҥҥэ туораан, госпиталга сытабыт», — диэн 2 км аһаҕас сиринэн сыылан тахсыбыт байыас кэпсиир.

Биир байыас эдьиий Арчыынаны кытары кэпсэппиппитин кэннэ ынырык халыҥ былыт кэлэн, хата “нулевойга” диэри этэҥҥэ тахсыбыппыт, сүрдээҕин көмөлөспүтэ диир. Уолаттар биэстии-алталыы күн төтөрү тахса сатаан, сэниэлэрэ-сылбалара эстэн иһэн, өссө күүскэ алгыырга, арчылыырга көрдөһөр ауди-саҥаларын ыыталлар.

Ити курдук, Алгысчыт Арчыынаҕа элбэх байыас аттыларыгар сылдьан күүс-көмө буоларыгар махталларын этэллэр.

Recent Posts

  • Быһылаан
  • Бэрээдэк
  • Сонуннар

Дьуһуурунай борокуруор: күүһүлээһин, түөкүттэр угаайылара, баһаар

Ааспыт сууккаҕа Саха сиригэр түөрт буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.…

15 минут ago
  • Быһылаан
  • Бэрээдэк
  • Сонуннар

Бэлисипиэттэри уоран тутуллубут

Дьокуускайга 1 №-дээх полиция отделыгар икки киһи бэлисипиэттэрин уордарбыттарын туһунан сайабылыанньа суруйбуттар. Холуобунай ирдэбил үлэһиттэрэ…

26 минут ago
  • Сонуннар
  • Уопсастыба

Саха сиригэр социальнай көмүскэл исписэлиистэрин сүлүөтэ

Саха сирин социальнай көмүскэлин эдэр исписэлиистэрин кытта үөрэх сүлүөтүн иитинэн, бу  салаа фундаментальнай сыаннастарын дьүүллэстилэр.…

55 минут ago
  • Сонуннар
  • Уопсастыба

Күн-дьыл туруга: этиҥнээх ардах уонна +32°

Күн-дьыл туруга бу күннэргэ хайдаҕый?  Өрөспүүбүлүкэ киин, соҕуруу, арҕаа улуустарыгар быстах ардахтаах, сорох сиринэн этиҥнээх.…

2 часа ago
  • Уопсастыба

Өймөкөөн улууһугар уу таһымын үрдээһинин балаһыанньата хонтуруолланар

Бүгүн Өймөкөөн улууһугар өрүстэр уонна үрэхтэр хааларыттан тахсан, оройуоҥҥа үрдүк бэлэмнээх буолуу эрэсиимэ биллэриллибитэ. Күнүс…

13 часов ago
  • Сонуннар
  • Сүрүн

ВИДЕО: Саха сиригэр дроннар таһаҕаһы тиэрдэн саҕалаатылар

Саха сиригэр дроннар -- пилота суох көтөр аппарааттар таһаҕаһы тиэрдэн саҕалаатылар диэн Ил Дархан Айсен…

14 часов ago