Салгыы
Алгысчыт Илгийэ байыаннай эпэрээссийэҕэ кыттар уолаттарга Аан Алгыһын анаата

Алгысчыт Илгийэ байыаннай эпэрээссийэҕэ кыттар уолаттарга Аан Алгыһын анаата

27.04.2024, 15:00
Хаартыска: СИА
Бөлөххө киир:

Сахалар күннээҕи олохпутугар уонна араас бэлиэ түгэннэргэ өбүгэлэрбититтэн кэлбит сиэри-туому тутуһабыт, алгыһы эппитигэр-хааммытыгар иҥэринэбит.
Аҕа дойду Улуу сэриитин кэмигэр эр дьоммут хайаан да эргиллэн кэлэллэрин туһугар алгыс бастыҥын анаан атаарбыттарын билэбит.

Хаартыска. Н.Аржакова кинигэтиттэн

Суруйааччы, алгысчыт Надежда Аржакова (Иванова)-Илгийэ төһө да ытык сааһыгар сырыттар, дойдуга буола турар балаһыанньаны күн аайы истэ-билэ олорор, хайдах ылынарынан алгыһын аныы, этэ-тыына сылдьар.

Илгийэ байыаннай эпэрээссийэҕэ сылдьар уолаттарбытыгар анаабыт  Алгыһын билсиэҕиҥ:

Бу Сырдык күммүт сыдьаайыгар
Бу Ийэ сир
Иэнигийэр иэнигэр
Бу Айгыр силик айылҕалаах
Аан дойдум
Истэ билэ сылдьаҕын эбээт,
Элэ была тылбын
Ылын даа,
Иһит даа, суоһурҕаныма даа!

Үрдүк халлаан өһүөлээхтэриттэн,
Аҕа халлаан айыыларыттан,
Киһи гынан
Килбэппит
Сүдү
Дьоннорбутуттан,
Көрдөһөн,
Ааттаһан,
Тоҥхоҥноон
эрэбин..
Аал уотум
Иччитэ
Чүүччү кыламан
Бырдьа бытык
Хатан тэмиэрийэ
Мин диэки көрөн мичик гын,
Үөрэ көтө сэгэс гын,
Үтүө тыыҥҥынан
Алгый даа!..

Көрдөһөр да күттүөннээх,
Ааттаһар да ахсааннаах,
Истиҥ сэргээн, эдьи гынын
Күлүм аллайыҥ
Көмө буолуҥ
Күүс буолуҥ.
Тирэх буолуҥ!
Уоттаах сэрии тобурах буулдьа
Хара сибиэн
Харбыалаһар
Өлүү уота
Өрө салыыр туспа дойдуга
Оҕолорбут тустарыгар,
Ыччаттарбыт тустарыгар,
Кэскиллэрбит тустарыгар
Алгыс анаан амалыйан
Ааттаһан,,
Көрдөһөн эрэбин,
Иһит даа,
Сэргээ даа,
Биһиги оҕолорбут
Айыылартан айдарыылаах
Үрдүк өрөгөйдөөх,
Симэлийбэт тиһиликтээх
Сиртэн-буортан төрүттээх уолаттарбытын
Уоттаах сэрии илбис тыына сиппэтин!
Адьарай тыына дьааһыйбатын!
Өлүү өһөҕө
Харбаабатын!
Оҕолорбут,
Хотойдорбут,
Эһиги сир Ийэ тыынынан
Үрдүк халлаан
Үтүөтүнэн,
Үрүҥ күн
Сыдьаайынан көмүскэллээх буолуҥ.
Арчылаах буолуҥ
Алгыстаах буолуҥ!!!
Күүскүтүгэр
Күүс эбилиннин,
Сүрэххитигэр
Сүппэт сүр сүүрдүн,
Куккутугар
Төлөн үот күөдьүйдүҥ!
Охтоохтон охтумаҥ
Саалаахтан самнымаҥ
Өстөөҕү умсарыҥ!
Хорсун
Санаа күүһүрдүн!
Саргы дьаалы
Буолуохтун!
Алыас, алыас,
Алыас,
Улуу тойон
Хомпоруун хотой өстөөхтөрүн
Супту түһэр.
Эһиги сыыһа туттумаҥ.
Мүччү туттумаҥ
Эр бэрдэ
Сыыспат
Эрэ бэрдэ табар!
Эр бэрдэ
Хоһуун!!!
Үрүҥ Айыы тойон
Үөһээ халлаан
Муҥутуур тойоно
Аҕыс иилээх саҕалаах
Аан ийэ дойдубут
Араҥаччылаан,
Арчылаан,
Күн сырдыгынан
Күлүмнэтэн,
Оҕолорбутун
Сылаас хонноххор саһыар,
Илги тыыҥҥынан
Имэрий,
Күүс буол, көмө буол
Алыас
Алыас
Алыас!
Күннээх көмүскэлгин
Силигилии үүннэрэн ситэр даа!
Дьолу тосхой
Уолаттарбытыгар
Уруйдаах олоҕу
Тускулаа даа,
Алыас!!!
Үрүҥ Айыы тойон
Үрүҥ күммүт кэскилбитин түстүүр
Өрөгөйү үрдэтэр
Ыччат дьоммутун
Уруйдаах кынаккынан
Кистии, сырыт даа.
Үрүҥ алгыһынан
Уруйдуу тур даа.
Алыас алыас алыас!

+1
8
+1
0
+1
0
+1
0
+1
0
+1
0
+1
0
Бары сонуннар
Салгыы
13 июня
  • 16°C
  • Ощущается: 15°Влажность: 67% Скорость ветра: 1 м/с

Сообщить об опечатке

Текст, который будет отправлен нашим редакторам: