Балаҕан ыйын 23 күнүгэр Саха Өрөспүүбүлүкэтин Национальнай бибилэтиэкэтин историческай саалатыгар Саха Өрөспүүбүлүкэтин норуотун маастара, РФ үтүөлээх худуоһунньуга, Саха Өрөспүүбүлүкэтин норуодунай худуоһунньуга, Саха Өрөспүүбүлүкэтин ускуустубатын үтүөлээх диэйэтэлэ, Арктикатааҕы култуура уонна ускуустуба институтун профессора Константин Меркурьевич Мамонтов үлэтигэр, олоҕор аналлаах «Алгыстаах ааттаах муосчут» диэн кинигэ сүрэхтэниитэ буолла.
Кинигэни Константин Меркурьевич олоҕун аргыһа РФ үөрэҕириитин туйгуна, РФ айар худуоһунньуктарын союһун чилиэнэ, Саха Өрөспүүбүлүкэтин уус-уран оҥоһуктарын маастара Людмила Николаевна Мамонтова иилээн-саҕалаан таһаартарда.
Кинигэни Октябрина Прокопьевна Булатова-Максимова, СӨ «Гражданскай килбиэн» анал аат хаһаайына, СӨ үөрэҕириитин туйгуна, Сунтаар улууһун Сиэйэ нэһилиэгин бочуоттаах олохтооҕо кыһамньылаахтык хомуйан оҥорбут. Тэрээһини кылыһахтаах эҕэрдэ тойугунан арыйда Константин Меркурьевич эдьиийин Тамара Меркурьевна кыыһа Саха Өрөспүүбүлүкэтин култууратын туйгуна, Саха Өрөспүүбүлүкэтин үтүөлээх оһуохай этээччитэ Антонина Саввична Алексеева.
1991 сыллаахха Константин Меркурьевич Бүлүү куоратыгар туспа оҕо художественнай оскуолатын арыйары ситиспитэ. Бу оскуола маҥнайгы дириэктэринэн айымньылаахтык, таһаарыылаахтык үлэлээбитэ. Константин Меркурьевич элбэхтик сыралаһан, туруорсан Арктикатааҕы култуура уонна ускуустуба институтугар «Муостан кыһыы» идэтин астарары ситиспитэ. 2008 сыллаахха «Художественная резьба по кости» диэн Константин Меркурьевич арыттарбыт идэтигэр уһуйуллан Саха сиригэр бастакы үрдүк үөрэхтээх исписэлиистэр — муоһу кыһааччылар иитиллэн тахсыбыттара.
Кинигэ сүрэхтэнэр бэлиэ күнүгэр 1971-1975 сылларга Петр Романов аатынан Дьоккуускайдааҕы художественнай училищеҕа бииргэ бииргэ үөрэммит доҕотторо РФ үтүөлээх, СӨ народнай худуоһунньуктара Федор Марков, Афанасий Романов, куурустарын салайааччыта, преподавателлэрэ, СӨ, РФ искусствотын үтүөлээх диэйэтэлэ, профессор, искусствовед Иванова-Унарова Зинаида Ивановна, СӨ култууратын үтүөлээх үлэһитэ Николай Александрович Крылов, «Симэх» норуот ускуустубатын уонна уус-уран оҥоһуктарын Национальнай киинин уус-уран оҥоһуктары сайыннарар отделын салайааччыта Осипов Дмитрий Константинович, Национальнай художественнай түмэл үлэһитэ Заровняева Варвара Ильинична, СӨ норуодунай худуоһунньуга, норуот маастара Зверева Анна Николаевна, Бүлүү куоратыгар оҕо художественнай оскуолатыгар бииргэ үлэлээбит биир идэлээҕэ, оскуола дириэктэрэ Николаева Светлана Ивановна, СӨ нэһилиэнньэтин көмүскэллээх буолуутун сулууспатын үтүөлээх үлэһитэ, Күүкэй нэһилиэгин бочуоттаах олохтооҕо Константин Меркурьевич Антонина Васильевна Степанова уо.д.а. ахтан-санаан аастылар, кинигэни оҥорооччуларга махтал истиҥ тылларын эттилэр. Бу күн ылбаҕай ырыалар ылланныллар, хомоҕой хоһооннор ааҕылыннылар.
Быйыл алтынньы 3-4 күннэригэр «Симэх» Национальнай Киин тэрийиитинэн ыытыллар «Юные мастера» Саха Өрөспүүбүлүкэтин тарбаҕар талааннах ыччаттарын бэстибээлэ Константин Меркурьевич Мамонтов аатыгар ананан ыытыллыаҕа. Константин Меркурьевич сырдык олоҕо, саха норуотун уус-уран ускуустубата сайдарыгар киллэрбит кылаата дьоһун дириҥ суолталаах, тыргыллар, салҕанар суоллаах-иистээх. Кини туһунан сырдык өйдөбүл биһиги сүрэхпитигэр өрүү баар буолуоҕа…
Хаартыскалар Дмитрий Осипов тиксэриилэрэ
Бүгүн Ил Түмэн тохсус ыҥырыылаах пленарнай мунньаҕар 2025 сылга уонна 2026-2027 сылларга былааннанар кэмҥэ Саха…
Бу куонкуруска ким баҕалаах Саха сирин устун кыһыҥҥы айанын устан кыттыан сөп. Видеоролигы суотабай төлөпүөҥҥэ…
Киһи этинэн-сиининэн сэрэйэн эбэтэр туохха эрэ олоҕуран бу күннэргэ туох буолуохтааҕын билэр. Биттэнии арааһа элбэх.…
Саха сиригэр Арктика улуустарыгар “күөх рейстэри” ыытыы салҕанар. Таһаҕас уу суола тиийбэт Анаабыр, Өлөөн, Эбээн…
Муусука үрдүкү оскуолатын саҥа куорпуһун тутууга бу сылга былааннаммыт үлэ барыта туолбутун туһунан Судаарыстыбаннай сакаасчыт…
Ил Түмэн тохсус уочараттаах пленарнай мунньаҕар норуот дьокутааттара 2024 сылга уонна 2025-2026 сылларга былааннанар кэмҥэ…