Хаартыска Елизавета Аржакова тиксэриитэ
Бу күннэргэ Уус Алдан улууһун Курбуһах нэһилиэгиттэн «Кэптэни-онлайн» бөлөҕүттэн долгутуулаах сонун кэллэ.
Курбуһах олохтооҕо Надежда Винокурова бэйэтин ис дууһатыттан, баҕа санаатынан, илиитин сылааһын иҥэрэн анал байыаннай дьайыыга сылдьар уолаттарга 30 устуука харысхалы оҥорбута. Кини харысхалларын сыам-сым курдук тутан, «Саха сирин дьахталларын лигата» уопсастыбаннай тэрилтэ салайааччыта Антонина Титованан «Саха волонтердара» хамсааһын кыргыттарыгар ыыттарбыта.
Бу күннэргэ харысхаллар уонна биир дойдулаахтара уолаттарыгар анаан, аадырыстаан ыыппыт астара-маллара тиийбитин көрөн, Надежда Николаевна сүргэтэ көтөҕүллэн, астынан олорор. Кини итинэн эрэ муҥурдаммакка, аны Дьокуускай куоракка киирэн, «маскировочнай сиэккэни» баайарга көмөлөстө.
Бу курдук 75 саастаах Надежда Винокурова санаата көтөҕүллэн, алгыстаах харысхалларын оҥорон саҕалаата. Кини үтүө бачыыма үгүстэргэ холобур буолар.
«Харысхалларым уолаттарбытыгар тиийбитин көрөн олус долгуйдум, астынным. Мин харысхалларым оҕолорбутун харыстыы, араҥаччылыы, туһалыы, куһаҕаны тэйитэ, күүстэригэр күүс эбэ сырыттыннар. Барахсаттары харысхаллара хаххалыы, алгыһынан абырыы сырыттын, этэҥҥэ эрэ буоллуннар, дойдуларыгар кыайыы-хотуу үктэллэнэн эргиллэн кэллиннэр», — диэн Надежда Николаевна алгыһын тириэрдэр.
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…
СӨ Баһылыга Айсен Николаев 2024 сылга Судаарыстыбаннай Мунньахха (Ил Түмэн) Ыҥырыытыгар биэрбит сорудаҕын толорон, өрөспүүбүлүкэҕэ…
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар. Ил Түмэн спикерэ Алексей…
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…