Алимены төлөөбөтөх түөрт оҕолоох ийэ сууттанна

Үөһээ Бүлүүтээҕи суут быһаарыытынан 40 саастаах дьахтар алимены төлөөбөтөҕүнэн буруйдааҕынан ааҕылынна.

Ол курдук, 2023 сыллаахха суутунан элбэх оҕолоох дьахтартан хас биирдии 4 оҕотугар ыйдааҕы хамнаһыттан алимент суумата тутуллара быһаарыллыбыт. Ол эрээри, дьахтар суут уурааҕын толорботох, итининэ сибээстээн суут бириистэптэринэн административнай сокуону кэһии тахсыбытынан боротокуол оҥоһуллубут.

2024 сыл ыам ыйыгар мировой судьуйа быһаарыытынан дьахтар административнай эппиэккэ тардыллыбыт. Дьахтар оҕолорун көрүүгэ-истиигэ уопсайа 165067 солк. иэстэммит. Суут мунньаҕар дьахтар буруйун толору билиммит. Суут дьахтары буруйдааҕынан билиммит уонна 1 сыл 6 ый болдьоххо көннөрөр үлэни анаата, судаарыстыба дохуотугар хамнаһыттан 10 %-на тутуллуоҕа. Бу туһунан СӨ Сууттарын холбоһуктаах пресс-сулууспата иһитиннэрэр.