Алименын төлөөбөтөх аҕаны таксыыттан булбуттар

Бу нэдиэлэҕэ суут бириистэбигэр иэһин төлөөбөтөх киһи ханна баар буолуоҕун сөбүн туһунан иһитиннэрии киирбит. Бу туһунан СӨ суут бириистэптэрин пресс-сулууспата иһитиннэрэр.

Бу киһини полиция үлэһиттэрэ Аллараа Бэстээхтэн Дьокуускайга паромунан туораары таксыыга олордоҕуна булбуттар. Салгыы кинини СИЗО-ҕа илдьибиттэр, холуобунай дьыаланы көрөллөр.

Суут быһаарыныытынан эр киһи ый аайы дохуотуттан уол оҕотун көрүүгэ-истиигэ ыытыахтаах эбит, ону толорботох.

Хас да төгүл алименын төрүөтэ суох төлөөбөтөҕүн иһин бу аҕаҕа холуобунай дьыала тэриллибит. Эр киһи ону билэр эрээри, куотуна сылдьыбыт.