Евгений Григорьев ТГ-ханаалыттан
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ сөбүлэһиигэ илии баттаатылар.
Докумуон култуураҕа, үөрэххэ, куораты салайыыга, тырааныспарга уонна сыыппара сервистэригэр бииргэ бырайыактары олоххо киллэрэри былаанныыр. Ситиһиллибит сөбүлэһиилэр тустарынан Дьокуускай мээрэ бэйэтин телеграм-ханаалыгар иһитиннэрдэ. Биир сүрүн хайысханан сыыппара эйгэтигэр саха тылын сайыннарыы буолар. Ол курдук, «Яндекс.Переводчик» сервис толору аудио-тылдьыты оҥоруунан дьарыктаныаҕа, ол «Алиса» көмөлөһөөччү нөҥүө тылбааһы туһанар кыаҕы биэриэҕэ. Маннык бырайыак урут Татарстаҥҥа олоххо киирбитэ.
Маны таһынан, «Яндекс.Книги» сервискэ сахалыы аудиокинигэлээх уонна подкастардаах туһунан долбуур баар буолуоҕа. Евгений Григорьев бэлиэтээбитинэн, бырайыакка үлэ саҕаланна.
«Бу икки бырайыак биһиги тылбыт биллиитин үрдэтэргэ, бастатан туран — саҥаны барытын ылынар үүнэр көлүөнэ ортотугар, көмөлөһүө диэн ааҕабын. Бу бырайыак Бэрэсидьиэн В.В. Путин биллэрбит Арассыыйа норуоттарын сомоҕолоһууларын сылыгар саҕаланара дириҥ суолталаах», — диэн куорат баһылыга эттэ.
Ону тэҥэ Дьокуускайга «Яндекс.Учебник» уонна «Яндекс.Лицей» үөрэх бырайыактарын пилотнай олоххо киллэрии саҕаланна. Мээр этэринэн, көҕүлээһиннэри кэҥэтии оскуола оҕолорун үөрэтии хаачыстыбатын уонна педагогтар бэлэмнэрин таһымын, ордук информатика эйгэтигэр, үрдэтэргэ кыах биэриэҕэ.
Бииргэ үлэлиир өссө биир хайысханан куорат кумааҕы архыыбын матырыйаалларын сыыппараҕа көһөрүүгэ «Яндекс.Архив» кыттыыта буолуоҕа — бу үлэ Дьокуускай 400 сылын көрсө ордук суолталаах. Былаастар ону тэҥэ туризмы сайыннарарга «Яндекс.Путешествия» сервиһи кытта бииргэ үлэлиири көрөллөр. Маны таһынан, куоракка «Яндекс.Такси» сервиһи салгыы сайыннарыы — массыына пааркатын кэҥэтии уонна пассажирдары хааччыйыы хаачыстыбатын үрдэтии өттүгэр дьүүллэһиллэр.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…