Арассыыйа-Украина сыһыаннаһыыларыгар уонна анал байыаннай эпэрээссийэҕэ биир дойдулаахтарбыт санааларын үллэстэллэр, биир санаанан салайтаран түмсүөҕүҥ дииллэр.
Алквиад Тарасов, Горнай улууһун дьокутааттарын Сэбиэтин бэрэссэдээтэлэ:
— 1930-40 сылларга арҕааҥҥы дойдулар Германия фашистскай идеологияламмытын, байыаннай бырамыысыланнаһа сайдарын, Гитлер аан дойдуну баһылыырга талаһарын улахаҥҥа уурбатахтара. Тус бэйэм санаабар, Сэбиэскэй Сойууһу мөлтөтөрү, суох оҥорору өйөөбүт, көмөлөспүт да буолуохтарын сөп. Ол түмүгэр, Германия Европа дойдуларын сорохторун сэриилээн, сорохторун баҕаларын өттүнэн ылатттаабыта. Ол кэннэ төһө эмит дуогабар түһэрсиллибитин үрдүнэн Сэбиэскэй Сойууска саба түспүтэ. Биһиги өбүгэлэрбит хорсун быһыыларын көрдөрөн, туох баар ыараханы тулуйан, туораан, Улуу Кыайыыны ситиспиттэрэ, биһиэхэ эйэлээх олоҕу бэлэхтээбиттэрэ.
Биһиги көлүөнэ сэрии алдьархайын устуоруйаттан, литератураттан эрэ буолбакка эһэлэрбит, эбэлэрбит кэпсээннэриттэн билэбит. Хаһан даҕаны ааспыт сэрии алдьархайа хатыламматыгар баҕарабыт, туруулаһабыт. Ол эрээри, бүгүҥҥү күҥҥэ Америка салайааччылаах НАТО байыаннай холбоһук Европа дойдуларын көмүскэнэр ааттаан, барытын кэриэтин бэйэтигэр холбоото. Сорох дойдулары баҕа өтттүлэринэн, сорохтору куттаан, сорохтору норуоттарын бэйэ-бэйэлэрин утары туруоран, ыһан туран. Ол түмүгэр холбоспут дойдулар арҕааҥҥы дойдулар тугу этэллэринэн олороллор. Туох баар дойдулар икки ардыларынааҕы холбоһуктар, тэриллиилэр эмиэ арҕааҥҥы дойдуларга барыстаах быһаарыылары ылыналлар.
Арҕааҥҥы дойдулар дьайыыларынан, күөттээһиннэринэн Украина фашистскай идеологияны тутуһар салалтата 2014 сылтан бэйэтин норуотун, Донбасс олохтоохторун террористарынан ааттаан, сэриилии олорор. 8 сылы быһа Донбасс олохтоохторо элбэх өлүүнү-сүтүүнү, кыһалҕаны, атаҕастабылы көрдүлэр.
Донбасс норуота өлөр-сүтэр кутталга киирбитин көмүскүүр сыалтан уонна маннык инникитин салҕаннаҕына, дойдубутугар куттал суоһуурун иһин, дойдубут салайааччыта Владимир Путин ДНӨ уонна ЛНӨ салайааччыларын көрдөһүүлэрин ылынан, Донбасска анал байыаннай эпэрээссийэни саҕалыырга күһэллибитэ. Күһэллибитэ диэн бэлиэтээн этиэххэ наада, тоҕо диэтэр, 8 сылы быһа араас ньыманан Арассыыйа Донбасс норуотун өлүүтүн-сүтүүтүн тохтоторго, өйдөспөт түгэни эйэлээхтик быһаарарга кыһалла сатаата даҕаны, арҕааҥҥы дойдулар өйөбүллээх Украина салалтата бэйэтин норуотун өлөрөртөн-өһөрөртөн аккаастаммата.
Владимир Путин ылыммыт быһаарыныыта саамай сөптөөҕө көстөн таҕыста. Ол курдук, Украина фашистскай идеологиялаах салайааччылара арҕааҥҥы дойдулар ыйыыларынан салаллан олороллоро, арҕааҥҥы дойдулар Украинаҕа сэрии сэбин, үбү-харчыны кэрэйбэккэ кутан, Арассыыйаны утары сэриини күөттүүллэрэ, өйүүллэрэ көһүннэ. Дойдубутун ыгар, мөлтөтөр ньымалара буолара билиннэ.
Бу утарыта турсууга Владимир Путин салайааччылааах биһиги улуу дойдубут – Арассыыйа уонна биһигини өйүүр дойдулар кыайыыны ситистэхпитинэ, аан дойдуга саҥа кырдьыктаах сыһыан үөскүөхтээх, арҕааҥҥы дойдулар баһылааһыннара, кинилэр бэйэлэрин бэлиитикэлэрин атын дойдуларга соҥнооһуннара, кинилэр этиилэринэн олоруу тохтуохтаах.
Ол иһин биһиги салаайааччыбыт Владимир Путин быһаарыныытын өйүүбүт, кини тула түмсэн, кыайыы туһугар, кырдьык туһугар туруулаһыахпыт! Бүгүҥҥү күҥҥэ саха норуотун хорсун-ходуот уолаттара Арассыыйа саҥа эрэгийиэннэрин норуотун быыһааһыҥҥа, сирдэрин босхолооһуҥҥа кытта сылдьалларынан биһиги киэн туттабыт уонна кинилэр этэҥҥэ буолалларыгар баҕарабыт!
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…