Аллайыаха балыксыттара көмөлөстүлэр

Аҕыйах хонуктааҕыта Аллайыаха улууһун балыксыттара  байыаннай дьайыы кыттыылаахтарын дьиэ кэргэттэригэр кэһиилэрин ыыттылар. Ол курдук, 4 туонна 600 киилэ балыгы ыалларынан кэрийэн тарҕаттылар.

“Аллайха” община баһылыга Сергей Бережнов балыксыттарын бу көмөтүн Мархаҕа уонна Дьокуускай куоракка олорор байыаннай дьайыы кыттыылаахтарын дьиэ кэргэттэригэр тириэртэ. Мархаҕа бэйэтэ илдьэн туттарбыта, Дьокуускайга Норуот фронун көмөтүнэн тарҕаттарда.

“Бу балыгы бултаабыт балыксыттарбар ис сүрэхпиттэн махтанабын. Аллайыаха улууһун аатыттан көмө курдук туттардыбыт. Ийэ дойдуларын көмүскүү сылдьар дьоммут чугас дьоно эмиэ этэҥҥэ буоллуннар, Аллайыаха эмис балыгын амсайдыннар”, — диэн баҕа санаатын тириэртэ Сергей Бережнов.