Аллайыаха хомунаалынай хаһаайыстыбата бэтэрээҥҥэ хайдах көмөлөстө? Ол туһунан манна ааҕыҥ:
“СӨ ОДьКХ “ГУП Аллайыахатааҕы филиалын үлэһиттэрэ үлэ бэтэрээнигэр, Чокуурдаах бөһүөлэгин биир бастыҥ уопсастыбанньыгар Михаил Николаевич Едукиҥҥа дьиэтин өрөмүөнүгэр көмөлөстүлэр.
Биэнсийэлээх олорор кыбартыыратыгар кыһалҕа баарын туһунан тэрилтэ алтынньы саҕаланыыта истибитэ. Сотору кэминэн үлэһиттэр уутун турбатын көтүрбүттэрэ. Хас да күн устата тымныы уонна итии уутун, канализациятын турбаларын уларыттылар, саҥа раковинаны туруордулар.
— ”СӨ ОДьКХ” ГУП үлэһиттэригэр ис сүрэхпиттэн махтанабын. Сантиэхиньикэни өрөмүөннээһиҥҥэ олус наадыйар этим. Дьиҥэр, кыбартыыра иһигэр олохтоохтор бэйэлэрэ оҥостунуохтаахтар. Маныаха анал идэлээх дьон көмөлөһүөхтэрэ эрэ диэбэккэ олорбуппут. ОДьКХ кэлэктиибигэр махтанабын, — диэтэ Михаил Николаевич.
Аллайыахатааҕы филиал үтүө дьыалаҕа кыттыһыыта манан эрэ бүппэт. Кэлэктиип сайын устата Чокуурдаахха тиэргэни тупсарар, ыраастыыр субуотунньуктарга көхтөөхтүк кыттыбыта. Филиалтан көҕүлүүр бөлөҕү уонна анал тиэхиньикэни сыһыарыллыбыт учаастактарыгар кытыннарбыттара.
СӨ ОДьКХ пресс-сулууспата
Хаартыскаҕа: Бэтэрээни кытта
Дьокуускайга Ойуунускай уулусса 20/1 дьиэтэ 45 сыллааҕыта тутуллубута. Саха Өрөспүүбүлүкэтигэр Элбэх кыбартыыралаах дьиэлэри хапытаалынайдык өрөмүөннээһин…
Социальнай ситимнэринэн Птицефабрика оройуонугар видео тарҕаммыт. Ролик ааптардара Дьокуускай таһыгар хаарга тыҥырахтаах атах суолун тыатааҕы…
Сэтинньи 4 күнүттэн Дьокуускайга элбэх оҕолоох ыаллар 1-11 кылаастарга үөрэнэр оҕолоро босхо айанныахтара. Ол туһунан…
Тэрээһиҥҥэ Жатайдааҕы суудунаны тутар тэрилтэ генеральнай дириэктэрэ Влад Михайлович Пермяков, Жатайдааҕы тиэхиньикум дириэктэрэ Владимир Иванович…
Бырабыыталыстыба Бэрэссэдээтэлэ Кирилл Бычков туһааннаах структуралары уонна тиэйээччилэри кытта мунньахха “Жатай-Төхтүр” туорааһынын түргэтэтэргэ соруйда. Билигин…
Бүгүн Дьокуускай куорат олохтоохторо Хомсомуол болуоссатыгар тоҕуорустулар. Манна үс күн устата, алтынньы 25-27 күннэригэр “Рыба…