Аллайыаха олохтооҕо тыатааҕыны бултаата
![](https://sakha-sire.ru/wp-content/uploads/2024/07/medved.jpg)
Соторутааҕыта Аллайыаха улууһугар балыксыт учаастагар дьиэ таһыгар кырдьаҕас кэлэн балыксыт ытын туппут.
Учаастакка Арсентий Садовников эһээтэ, кэргэнэ оҕолорунуун бааллар эбит. Онон кини дьиэ кэргэнигэр куттал суоһаабытын билэн, улуус киинигэр – Чокуурдаахха кэлэн улуустааҕы дьаһалтаҕа сайабылыанньа суруйбут. Ол сайабылыанньаны тутан баран быстах кэмҥэ баһылыгы солбуйан олорор Евдокия Забара СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтигэр хадатаайыстыба түһэрбит. Ол кэннэ тустаах министиэристибэ кыыл ахсаанын сүрүннүүргэ көҥүлү биэрбит.
Көҥүл ыксаллаах балаһыанньаҕа босхо бэриллэр эбит. Быһата, биир күн иһигэр көҥүлү биэрэллэр уонна ити ылбыт көҥүлүнэн булчут 3 хонук иһигэр бултуохтаах. Аллайыахатааҕы экологияны кэтээн көрүүгэ иниспиэксийэ араапар суруйбут.
Хата, ити ылбыт болдьоҕор Арсентий Садовников тыатааҕыны бултаабыт, онон дьиэ кэргэнигэр уонна атын да дьоҥҥо куттал суоһуурун тохтоппут.
Балыксыт А.Р.Садовников билигин учаастагар, сибээс суох сиригэр сылдьар буолан, кыайан кэпсэппэтибит.
Хаартыска: интэриниэт
Сообщить об опечатке
Текст, который будет отправлен нашим редакторам: