Аллайыахаҕа эдэр халабырдьыттары туттулар

Аллайыаха улууһун полициятын дьуһуурунай чааһыгар олохтоох киһи халабырдьыттары тутарга сайабылыанньа түһэрбит. 

Полиция боломуочунайдара көрдүүр дьаһалларынан халабырдьыттары туппуттар. Хара санаалаахтар урут сууттана сылдьыбыт 22 саастаах уонна 24 саастаах олохтоох ыччат буолара биллибит.

Силиэстийэ быһаарыытынан, эмсэҕэлээччи билэр дьонун кытта арыгы испит. Эр киһи арыгы иһэ олорон  баан счетугар элбэх суума харчылааҕынан киһиргэммит. Ол кэмҥэ эдэр уолаттар харчыны уоран ыларга санаммыттар.

Кинилэр кырбаары куттаан эмсэҕэлээбит эр киһиттэн 15000 солк. харчыны баан каартатыгар ыытарга күһэйбиттэр. Ол эрээри, баан счетуттан харчы сатаан барбатах. Түмүгэр халабырдьыттар уопсайа 3000 солк. ылбыттар. Уорбут харчыларын арыгыны атыылаһарга туһаммыттар. Холуобунай дьыала тэрилиннэ, диэн ИДьМ пресс-сулууспата иһитиннэрэр.