Аллайыахаҕа эр киһиэхэ эһэ саба түспүт

От ыйын 26 күнүгэр Аллайыаха улууһугар өрүс кытылыгар хагдаҥ эһэ эр киһиэхэ саба түспүт. Бу туһунан СӨ Экологияҕа министиэристибэтэ телеграм-ханаалыгар иһитиннэрэр.

Тыатааҕы эр киһини улаханнык бааһырдыбыт, уҥуохтарын тоһуппут. Кыыл эр киһиэхэ эмискэ кэлэн түспүт.

Онон Аллайыаха госэконадзорга инспекциятын старшай госинспектора Татьяна Стрюкова от ыйын 28 күнүнээҕи рапорынан, булт ресурсатын ахсаанын хонтуруоллуур туһунан быһаарыныы ылынылынна.

Билиҥҥи туругунан олохтоох нэһилиэнньэҕэ куттал суоһаабат, кыылы көрдүү сылдьаллар.