Аллайыахаҕа ититиини номнуо биэрдилэр

Бүгүн, атырдьах ыйын 8 күнүгэр, Аллайыаха улууһугар «ОДьКХ» ГУП тэрилтэ сорудаҕынан, 10 хочуолунай 93 социальнай суолталаах эбийиэктэргэ уонна 199 элбэх кыбартыыралаах дьиэлэргэ ититиини биэрдэ. Бу туһунан тэрилтэ пресс-сулууспата иһитиннэрэр.

Сайыҥҥы бэлэмнэнии сезонугар ОДьКХ үлэһиттэрэ хочуоллары солбуйууга, носуоһу уларытыыга үлэни толорбуттара, ону тэҥэ Чокуурдаах нэһилиэгэр инженернэй ситимнэр өрөмүөннэрин бүтэбиттэрэ.

“Биһиги бастакы миэстэҕэ турар сорукпут – кэлэр күһүҥҥү-кыһыҥҥы кэмҥэ сылааһынан уонна уунан хааччыйар эбийиэктэри хаачыстыбаннайдык уонна кэмигэр бэлэмнээһин. Өрөмүөн бырагырааматын уонна уматык, энергия ресурсаларын аҕалыыны бастайааннай хонтуруолга тутабыт”, — диэтэ Виталий Чикачев «ОДьКХ» тэрилтэ генеральнай дириэктэрэ.

Санатан суруйдахха, «ОДьКХ» судаарыстыбаннай унитарнай тэрилтэ оҥорон таһаарыы салааларыгар бу кэмҥэ сүрүн уонна көмө тиэхиньикэни өрөмүөннээһин уонна уларытыы ыытыллар. Өрөмүөннүүр хампаанньа кэмигэр 81 хочуол тэриллэрин, 82 носуоһу, 12 «горелочнай» тэриллэри уонна 39 анал механизмнары солбуйар былааннаахтар. Уопсайа 44 км, ол иһигэр 32,5 км ититэр ситимнэр, 10,3 км уу хааччыллыыта уонна 1,2 км канализация ситимнэрэ эмиэ өрөмүөннэнэллэр.

Сиһилии: https://www.sakha.gov.ru/news/9641