Хаартыска: "Сахалайф"
Аллайыаха улууһугар кырсалар ииримтийии ыарыытыгар ылларбыттара билиннэ. Өрөспүүбүлүкэтээҕи бэтэринээринэй-чинчийэр лабораторияҕа ахсынньы 6 күнүгэр кырсалартан ылыллыбыт боруобаҕа ииримтийии ыарыыта баарын буллулар.
Кырсалары Чокуурдаах нефтебазатын аттыттан, ону тэҥэ, бөһүөлэктэн 2 км ыраах сытар сиртэн уонна 20 км ыраах сытар Бөлкөчөк арыытыттан бултаабыттар диэн Бэтэринээрийэ департамена иһитиннэрэр.
Бүгүҥҥү күҥҥэ өрөспүүбүлүкэҕэ ииримтийии бэлиэтэммит 6 сирэ баар: Аллараа Халыма уонна Аллайыаха улуустарыгар дьиэ табаларыгар, дьиикэй кыылларга Анаабыр улууһугар икки сиргэ уонна Аллайыаха улууһугар икки сиргэ. Бэтэринээрдэр бу ыарыыны суох оҥорорго бары быраабылалары тутуһан, үлэлии сылдьаллар.
Ииримтийии дьоҥҥо да, кыылларга да олус кутталлаах ыарыы. Ол иһин дьиэ кыылларыгар сыллата ииримтийиини утары быһыыны биэриэххэ наада. Дьиэтэ-уота суох уонна дьиикэй кыыллары тыытыа, имэрийиэ, аһатыа суохтааххыт.
Дьиэтээҕи кыылларгыт быһыылара-майгылара уларыйбыт буоллаҕына, бэтэринээргэ илдьэн көрдөрүҥ. Тэлгэһэҕэ бөх тоҕор сиргэ аһы быраҕымаҥ уонна саба сылдьыҥ. Дьиикэй кыыллар ас сытын ылан кэлиэхтэрин сөп.
Кыыл ытырбыт буоллаҕына, тута хойуу мыылалаах уунан кичэйэн сууйан баран, балыыһаҕа көрдөрүөххэ наада.
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…
Амма улууһун ИДьМ отделениетын үлэһиттэрэ үгэс быһыытынан «Полицейский Дед Мороз» диэн Бүтүн Арассыыйатааҕы аахсыйаҕа кыттыстылар.…
Үөһээ Бүлүү улууһугар 2025 сылга байыаннай дьайыы кыттыылаахтарыгар уонна кинилэр дьиэ кэргэттэригэр көмө оҥоруу бүттүүн…
Ньурба улууһун Чуукаар сэлиэнньэтигэр сүппүт 1955 с.т. дьахтары быыһааччылар уонна олохтоохтор көрдүүллэр, диэн Саха сиринээҕи…
В. П. Ларионов аатынан физика-тиэхиньикэ лиссиэйин саха тылын, литэрэтиирэтин учуутала, СӨ үөрэҕин туйгуна, “Саха тылын, литэрэтиирэтин бастыҥ…