Аллайыаха улууһун олохтоохторо айылҕа харыстабылыгар эппиэтинэстээхтэрин көрдөрдүлэр. Ол курдук, Аллайыаха өрүскэ Илья Жирков балыктыы баран иһэн өрүһү икки оҕолоох тайах туораан иһэрин көрбүт. Икки оҕоттон биирэ олус кыра буолан, нэһиилэ төбөтө эрэ көстөр эбит. Онтон илимин көрөн баран төннөн иһэн тайах оҕото ол биэрэккэ соҕотоҕун сытарын көрбүт. Ийэтэ кэлэн ылар ини дии санаабыт.
Нөҥүө күнүгэр эмиэ илимин көрө баран иһэн көрбүтэ тайах оҕото ол бэҕэһээҥҥи сириттэн нэһиилэ уонча миэтэрэни тахсан баран, эмиэ соҕотоҕун сытаахтыыр үһү. Ону аһынан, хааллаҕына аһаабакка быстарыыһык диэн ханна гынабын диэн СӨ Экологияҕа, айылҕаны туһаныыга, ойуур хаһаайыстыбатыгар министиэристибэтин Аллайыахатааҕы экологияны кэтээн көрүүгэ иниспиэксийэтин кытта сибээстэспит. Ол илимин көрөрүгэр быыһаабыт кыылын оҥочотугар тиэйэ сылдьыбыт. Кумаар бөҕө буолан, тайах оҕото кумаартан кистэнэн төбөтүн куул иһигэр уган баран бэрт үчүгэйдик сыппыт.
Дьэ, ол кэннэ Чокуурдаахха аҕалбакка, чугастыы Быйаҥныыр нэһилиэгин олохтооҕо Иван Большаковы кытта тайах оҕото арыычча бөҕөргүөр диэри туруорарыгар кэпсэппиттэр.
Биллэрин курдук, Иван Большаков Аллайыаха улууһун тыа хаһаайыстыбатын сайдыытыгар бэйэтин дьоһун кылаатын киллэрэ сылдьар киһи. Кини хоту дойдуга куруук сүөһү иитэр. Онон сэрэйдэххэ, тайах оҕотун ньирэй курдук ынах үүтүнэн аһатара буолуо. Тиийээтин кытта кини кыыл оҕотун тута хотоҥҥо киллэрбит.
Хаартыскаҕа: тайах оҕото учаастакка
Ытык Күөлгэ 450 миэстэлээх лиссиэй, 100 миэстэлээх интэринээтин кытта тэҥинэн тутулла турар. [gallery ids="157377,157378,157379,157380"] Уота-күөһэ…
– Биир кыһалҕалаах боппуруоһунан тиийдибит. Кырдьаҕас ийэбитин быстах кэмҥэ түүҥҥү өттүгэр көрөр киһиэхэ – сиделкаҕа…
Өрөспүүбүлүкэ Судаарыстыбаннаһын күнүгэр тирэхтээхтик сайдыы V Хотугу пуорумун чэрчитинэн Дьокуускай куоракка Хотугу пуорум оскуолаларын Ассоциацията…
Кэлиҥҥи кэмҥэ куйаар ситиминэн араас сыһыарыылары оҥорон, дьон олоҕун-дьаһаҕын чэпчэтии, билиитин көрүүтүн кэҥэтии үксээбитэ кэрэхсэбиллээх.…
(Бүтүүтэ. Иннин манна ааҕыҥ). – Назар Иннокентьевич, кэлиҥҥи командировкаларыҥ бастакыттан төһө уратылаахтарый? – Билигин байыаннай…
– Биллэриилэри көрдөххө, сир учаастага бөҕө атыыланар. Сир учаастагын атыылаһарга тугу болҕомтоҕо ылыахха нааданый? Хайдах…