Аллайыахаҕа ыалдьыбыт балыксыт көмө кэлэрин кэтэһэр

Бэҕэһээ күнүс СӨ Быыһыыр сулууспатыгар Аллайыаха улууһун кииниттэн – Чокуурдаахтан 145 км тэйиччи сытар Төгүрүк күөл аттынааҕы учаастакка көмө наада буолбутун туһунан иһитиннэрбиттэр.

1956 с.т. эр киһи кэргэнин кытта ол учаастакка олороллор эбит диэн СӨ Быыһыыр сулууспата иһитиннэрэр. Суол-иис мөлтөҕүттэн ыалдьыбыт киһини сиринэн илдьэр кыаллыбатах уонна оннук айан кутталлаах. Күн-дьыл туруга мөлтөҕүттэн санрейсы ыытар эмиэ кыаллыбатах.

Бүгүн, сэтинньи 29 күнүгэр, Саха сирин быыһыыр сулууспатын икки быыһааччытын илдьэ санитарнай рейс көтөрө былааннанар.