Аллайыахалар түһүлгэлэрин тупсараллар

Аллайыаха улууһа атын улуустар курдук Туймаада ыһыаҕар бэлэмнэнэр. Ол курдук, билигин Үс Хатыҥҥа баар түһүлгэлэрин тупсараллар. Ил Түмэн дьокутаатын Виталий Чикачевы кытта көрсүһүү кэнниттэн бу үлэ күүскэ барар. Онон сценаны, аһыыр сири, ураһаны саҥардаллар.

Бу үлэ ыытылларыгар үбүнэн-харчынан көмөлөспүт биир дойдулаахтарыгар махтаналлар. Ол курдук, Д.А.Черниговскай, А.П.Кисилев, В.С.Чикачев, А.Н.Нифонтов көмөлөспүттэр. Маны тэҥэ улуус баһылыга Яков Елисеев бу үлэ ыытылларыгар эмиэ үп көрбүт. Онон аллайыахалар тупсубут түһүлгэлэрэ быйыл биир дойдулаахтарын Туймаада ыһыаҕар көрсөргө бэлэм буолан эрэр.