Аллара Халыма улууһугар итии бэрилиннэ

Атырдьах ыйын 18 күнүгэр Аллара Халыма улууһугар “ОДьКХ” ГУТ хочуолунайдара үлэлэрин саҕалаатылар.

Производственнай филиал кэлэктиибэ 2024-2025 сс. күһүҥҥү-кыһыҥҥы кэмин саҕаланыытыгар 24,6 км инженернэй ситими уонна 6 хочуолунайы бэлэмнээн үлэҕэ киллэрдилэр, билигин итии социальнай, култуурунай, олох-дьаһах 100 эбийиэгэр, 86 элбэх кыбартыыралаах дьиэлэргэ уонна 51 чааһынай дьиэҕэ бэрилиннэ.

Аллара Халыматааҕы “ОДьКХ” ГУТ итиинэн хааччыйар эбийиэктэригэр өрөмүөн бырагырааматынан салгыны күлтэн, курунньуктан ыраастыыр аппарааттар, носуос тээбириннэрэ уонна 4 км инженернэй ситим уларытылыннылар.