Аллараа Бэстээҕинэн, Хатаһынан айан-сырыы кэлэр нэдиэлэттэн тохтотуллар
11.04.2025, 12:08
Хаартыска: СИА, Мария Васильева
Бөлөххө киир:
Муус устар 15 күнүттэн киин оройуоннарга өрүһүнэн туоруур кыһыҥҥы суоллар сабыллаллар. Бу туһунан Тырааныспар уонна суол хаһаайыстыбатын министиэристибэтэ иһитиннэрдэ.
Бүгүҥҥү туругунан А-331 «Бүлүү» уонна Р-504 «Халыма» федеральнай суолларга өрүһү туорааһыҥҥа 20 туоннаҕа диэри хааччахтааһын олохтонон турар. Муус устар 15 күнүттэн өрүһү туорааһыҥҥа федеральнай суоллар бары сабыллаллар. Ол курдук:
— Өлүөнэни туорааһыҥҥа Дьокуускай — Аллараа Бэстээх хайысхатынан,
— Бүлүүнү туорааһыҥҥа Үөһээ Бүлүү, Күндээдэ, Уустуйа, Кириэстээх таһынан,
— Алдан өрүһү туорааһын.
Билигин эрэгийиэннээҕи массыына суолларыгар өрүһү туорааһыҥҥа алта учаастагынан айан-сырыы аһаҕас турар. Оттон муус устар 15 күнүттэн туһааннаах хайысхаларынан массыына сырыыта тохтотуллуохтаах:
— Амма, Алдан уонна Бүлүү өрүстэри туорааһын,
— Хатас — Павловскай уонна Кангаласс — Суотту хайысхаларынан.
Хоту уонна арктическай оройуоннарга кыһыҥҥы суол муус устар 20 — 25 күннэригэр сабыллара былааннанар.
Сообщить об опечатке
Текст, который будет отправлен нашим редакторам: