Аллараа Бэстээх анныгар парому күүтэр пуун үлэлээтэ

Аллараа Бэстээх анныгар парому күүтэр пуун үөрүүлээх аһыллыыта бэҕэһээ, бэс ыйын 17 күнүгэр, буолла.

Бу эбийиэк Айсен Николаев сорудаҕынан Саха сирин олохтоохторугар уонна ыалдьыттарыгар паромнары күүтэр комфортнай усулуобуйаны тэрийиигэ ананна. Эбийиэк тутуутун «Железные дороги Якутии» АХ хааччыйда. Эбийиэги олохтоох урбаанньыт, анал байыаннай дьайыы кыттыылааҕа Ариан Хван тутар.

СӨ Тырааныспарга министиэристибэтигэр иһитиннэрбиттэринэн, саҥа пуун бары тупсаҕай усулуобуйаларынан тэрилиннэ. Манна ыалдьыттарга итии аһылык, утах атыыланар, инникитин ийэ уонна оҕо хос аһыллара былааннанар.