Мария Васильева хаартыската, СИА.
“Саха сирин тимир суоллара” АХ Дьокуускай куоракка бэрэстэбиитэлистибэтин стратегическай сайыннарыыга генеральнай дириэктэрин солбуйааччы Алексей Местников, Мэҥэ Хаҥалас улууһун баһылыгын солбуйааччы Альбина Григорьева, улуустааҕы үөрэх управлениетын начаалынньыга Николай Никифоров, 1-кы нүөмэрдээх оскуола дириэктэрэ Филипп Стручков, Тырааныспар тиэхиньикумун дириэктэрэ Николай Иванов, “Саха сирин тимир суоллара” АХ кадыыры бэлэмнээһиҥҥэ инженерэ Надежда Иванова мустан, Аллараа Бэстээх 1-кы нүөмэрдээх оскуолатыгар тимир суол кылааһын аһар туһунан кэпсэттилэр.
Альбина Григорьева бэлиэтээбитинэн, тустаах бырайыак тимир суол идэлэрин, “Саха сирин тимир суоллара” АХ үрдүктүк тутар, оробуочай идэлэргэ үөрэтэр, оскуоланы бүтэрбиттэртэн тимир суол хайысхаларыгар туттарсар оҕо ахсаанын элбэтэр, үрдүк таһымнаах, идэҕэ бэлэмнээх ыччаты үүннэрэн таһаарар, каадыры бэлэмнээһин көдьүүһүн үрдэтэр соруктаах.
Оскуола 30 оҕо үөрэнэр кыахтаах тимир суол кылааһыгар аудитория көрөргө, тиэхиньиичэскэй биридимиэттэри дириҥэтэн үөрэтэллэрин уонна эрдэттэн бэлэмнэммит хайысхаларынан үөрэххэ киирэллэрин туһугар эбии үөрэх уонна үөрэх таһынан чаастары көрөргө бэлэм. Оскуола интэринээттээх, онон Аллараа Бэстээх оҕолоро эрэ буолбакка, өрөспүүбүлүкэ хайа баҕарар муннугуттан кэлэн үөрэнэр кыахтаахтар.
Тимир суол кылааһын 2023 сыл балаҕан ыйын 1 күнүттэн аһар былааннаахтар.
Идэҕэ бэлэмниир үөрэҕи сайыннарар институт.
Ас-үөл хаачыстыбатыгар уонна куттала суох буолуутугар Ил Дархан иһинэн координационнай сэбиэт мунньаҕар оскуолалары, уһуйааннары, социальнай…
Саха сиригэр дойду биир саамай бөдөҥ уонна технологическай өттүнэн уустук инфраструктурнай бырайыага – Өлүөнэ күргэтин…
Өрөспүүбүлүкэ борокуруора Сергей Дябкин сорудаҕынан, Ленскэй улууһун борокуратуурата Ленскэй куорат «Севернай» түөлбэҕэ хас да элбэх…
Саҥа дьыллааҕы бырааһынньыктары көрсө Судаарыстыбаннай Дуума дьокутаата Олег Леонов ТАСС-ка биэрбит кэпсэтиитигэр пиротехниканы куттала суох…
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…
Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.…