Аллараа Бэстээххэ алта эбийиэк уокка былдьанна

Бүгүн Мэҥэ Хаҥалас улууһун Аллараа Бэстээх бөһүөлэгэр алта эбийиэк уокка былдьанна. Ыксаллаах быһыы-майгы министиэристибэтэ иһитиннэрбитинэн, баһаар барыллаан төрүөтүнэн уот ситимиттэн барбыт диэн.

Баһаар Энергетиктэр кыбаарталларыгар буолбут. Эмсэҕэлээччи суох.

ЫБММ дааннайынан, уокка биир чааһынай дьиэ, икки сайыҥҥы тутуу, хаһаайыстыбыннай эбийиэктэр былдьаммыттар. Итиэннэ икки га кураанах оттоох сир умайбыт.

Миэстэтигэр дознаватель үлэлиир, бэрэбиэркэ ыытыллар.