Аллараа Бэстээххэ диэри бөртөлүөтүнэн көтүү сыаната төһөнүй?

Өлүөнэ өрүскэ гидрологическай балаһыанньа кытааттаҕына,  «Полярные авиалинии» АХ Дьокуускайтан Аллараа Бэстээххэ диэри  Ми-8  бөртөлүөтүнэн  пассажирдары таһыаҕа.

Бастакы рейс сарсын, ыам ыйын 18 күнүгэр, күнүс  14:00 чаастан «Дьокуускай» аэропордуттан оҥоһуллара былааннанар.

Билиэттэр  аэропорка баар «Полярные авиалинии»  12 нүөмэрдээх каассатыгар  төл. 49-54-45) уонна Аллараа Бэстээххэ  баар былаһааккаҕа атыыланаллар. Билиэттэр  рейс оҥоһуллара  иккис чаас иннигэр атыыга тахсыахтара.

Тарыып улахан киһиэхэ  4000  солк. олохтонно диэн  «Полярные авиалинии» АХ пресс-сулууспата иһитиннэрдэ.