Аллараа Бэстээххэ эр киһи массыынаҕа киирэн биэрэн тыына быһынна

Ааспыт сууккаҕа Саха сиригэр үс буруйу оҥоруу бэлиэтэммитин туһунан СӨ борокуратуурата иһитиннэрэр.

Киин куоракка түөкүттэр харчы суйдаабыттара биллибит. Ол курдук, устудьуон, бармен уонна буҕаалтыр 120 000 солк., 475 000 солк. уонна 155 700 солк. албыннаппыттар. Бу дьоҥҥо суотабай оператор, байыҥкамаат аатыттан уонна инвестицияҕа харчыларын угалларын туһунан албыннаан эрийбиттэр.

2019 с.т. уол оҕо оргуйбут уулаах чааскыны бэйэтигэр тардан, этин-сиинин итиигэ буһаран балыыһаҕа киирбит.

Мэҥэ Хаҥалас улууһугар Аллараа Бэстээх бөһүөлэгэр бааза территориятыгар 1973 с.т. суоппар «Кенворт» массыынаны ыытан иһэн, 1984 с.т. эр киһини тэбистэрбит. Эр киһи саахал буолбут сиригэр тыына быстыбыт.

Суукка иһигэр итирик туруктаах биэс суоппары туппуттар.