Аллараа Бэстээххэ өрүскэ киириигэ видеокамера туруорулунна

Алтынньыга халлаан уһуннук тымныйбакка, билиҥҥээҥҥэ диэри Өлүөнэ өрүһү туоруур кыһыҥҥы суол аһылла илик. Барыллааһын быһыытынан ахсынньы 10 күнүгэр айан-сырыы көҥүллэниэхтээх.

Билигин Өлүөнэ өрүһү массыынанан туоруур бобуулаах. Ону ол диэбэккэ, массыыналар уора-көстө Хатаһынан, Дьокуускайынан  өрүһү туорууллар.

Сэтинньи 21 күнүттэн ахсынньы 10 күнүгэр диэри Мэҥэ Хаҥалас улууһугар  “Безопасный лед” диэн аахсыйа ыытыллан,  Аллараа Бэстээх аннынан  өрүһү туорааһыҥҥа видеокамера туруорулунна. Онон уора-көстө өрүһү туорааччылар хонтуруолга ылыллыахтара.