Аллараа Бэстээххэ — «Идэһэ — 2023»

Бүгүн, сэтинньи 17 күнүгэр, Аллараа Бэстээххэ «Идэһэ — 2023» атыы-эргиэн дьаарбаҥката ыытылынна.

Манна Төҥүлү, Дьаҥхаады, Нөөрүктээйи, Тараҕай, Моорук, Бүтэйдээх нэһилиэктэриттэн сүүрбэттэн тахса биирдиилээн чааһынай дьон, хаһаайыстыбалар, кэпэрэтииптэр кэлэн сибиэһэй эти, балыгы, сир аһын, эти-үүтү дэлэччи тэниттилэр.

Бүгүҥҥү сыананы көрдөххө, ынах арыыта киилэтэ 1000-1100 солкуобайга, ынах этэ киилэтэ 650-700 солкуобайга, убаһа этэ 700 солкуобайга тэҥнэһэр.

Сарсын улуустааҕы «Идэһэ — 2023» Майа сэлиэнньэтин «Кыталык» уопсастыбаннай кииҥҥэ ыытыллыаҕа.

Мэҥэ Хаҥалас улууһун дьаһалтатын пресс-сулууспата