Аллараа Бэстээххэ Култуура киинэ тутуллар

Аллараа Бэстээххэ «Култуура» национальнай бырайыагынан Култуура киинэ тутулла турар.

Бэҕэһээ, атырдьах ыйын 29 күнүгэр, Саха Өрөспүүбүлүкэтин култуураҕа уонна духуобунай сайдыыга миниистирэ Афанасий Ноев, РФ култуураҕа министиэристибэтин судаарыстыбаннай уонна инвестиционнай бырагыраамаларынан үлэлиир отделын начаалынньыга Александр Москалев, улуус баһылыгын тутуу боппуруостарыгар солбуйааччы Василий Филиппов Култуура киинин тутуутун хаамыытын көрдүлэр. Билиҥҥи туругунан, бастакы этээс фасад өттүн, эбийиэк таһынааҕы сирин-уотун оҥоруу үлэлэрэ ыытылла тураллар.

— Эбийиэги сыл түмүгэр диэри үлэҕэ киллэрэргэ былааннанар. Онуоха болдьохтон туораабакка, бэдэрээтчит — «СТК» хааччахтаммыт эппиэтинэстээх тэрилтэҕэ тутууга үлэһит ахсаанын элбэтэри, үлэни күүһүрдэргэ, хонтуруолга тутарга сорудах турда, — диэн  Мэҥэ Хаҥалас улууһун дьаһалтатын пресс-сулууспата иһитиннэрдэ.