Аллараа Бэстээххэ Култуура сайдыытын киинэ үлэҕэ киирдэ

Бүгүн Мэҥэ Хаҥалас улууһун Аллараа Бэстээх бөһүөлэгэр Култуура сайдыытын саҥа киинэ үөрүүлээх быһыыга-майгыга аһылынна. Бу тутууну олохтоохтор кэтэспиттэрэ ыраатта. 

Култуура киинэ  «Култуура» национальнай бырайыак иитинэн үлэҕэ киллэрилиннэ.  Тутууга  457 мөл. солк.  федеральнай уонна өрөспүүбүлүкэ бүддьүөттэриттэн көрүллүбүтэ

Ил Дархан Айсен Николаев телеграмҥа ханаалыгар:

— Биири этиэм этэ, киин кырдьык да олус үчүгэй буолбут. Бу өрөспүүбүлүкэҕэ маннык форматтаах бастакы тутуунан  буолар.  3 тыһ. кв.м. иэннээх дьиэҕэ саала,   кинотеатр, библиотека уонна  хореографическай кылаастар бааллар.  Мин Аллараа Бэстээх сайда турарыттан олус үөрэбин, — диэн суруйда.