Хаартыска: SakhaGov
Саха сирин тутууга миниистирэ Виктор Романов Мэҥэ Хаҥалас улууһун Аллараа Бэстээх бөһүөлэгэр култуура саҥа эбийиэгин тутуу хаамыытын бэрэбиэркэлээтэ. Эбийиэк өрөспүүбүлүкэҕэ култуура сайдыытын саамай улахан киининэн буолуоҕа.
32 тыһыынча кв.миэтэрэттэн тахса уопсай иэннээх Киин “Култуура” национальнай бырайыак чэрчитинэн тутуллар. Киин 300 көрөөччү киирэр саалалаах, административнай-үөрэх кэбиниэттэрдээх, 50 миэстэлээх киинэ саалалаах, хореография кылаастардаах, түмэллээх, тиэхиньиичэскэй хостордоох уо.д.а. буолуоҕа.
Билиҥҥи туругунан тутуу 78% бэлэм, эбийиэк бу сыл бүтүүтүгэр үлэҕэ киириэхтээх. Виктор Романов бэдэрээччит “СТК” ХЭО оробуочайдар ахсааннарын элбэтэригэр сорудахтаата. Ону сэргэ миниистир доруобуйа харыстабылын бастакы сүһүөх звенотун модернизациялааһыҥҥа эрэгийиэннээҕи бырагыраама чэрчитинэн тутуллар учаастактааҕы балыыһа үлэтин хаамыытын көрдө. “Основа” ХЭО тутар 15 куойкалаах уонна симиэнэҕэ 70 киһи сылдьар икки мэндиэмэннээх дьиэтэ 2025 сыл бүтүүтэ үлэҕэ киллэриллэрэ былааннанар.
Санатан эттэххэ, 2018 сылтан Мэҥэ Хаҥалас улууһугар култуура кэккэ эбийиэктэрэ, ол иһигэр Майа сэлиэнньэтигэр Д.Ф.Ходулов аатынан элбэх хайысхалаах култуура-сынньанар комплекса, Сыымах сэлиэнньэтигэр култуура элбэх хайысхалаах комплексыгар сыһыары тутуу уонна Тиэлигигэ 100 миэстэлээх Култуура дьиэтэ тутуллубуттара.
Ахсынньы 22 күнүгэр Саха Өрөспүүбүлүкэтин доруобуйатын харыстабылын устуоруйатыгар киирэр кэрэ-бэлиэ түгэн үүннэ. Ол эбэтэр Үөһээ…
Саха сирин амарах, үтүө санаалаах дьоно тиһигин быспакка анал байыаннай дьайыыга сылдьар, госпиталларга сытар биир…
Мэҥэ Хаҥалас улууһугар Аллараа Бэстээх сэлиэнньэтигэр учаастактааҕы балыыһа үөрүүлээх аһыллыыта буолла. 1200 кв. миэтэрэттэн тахса…
Амма улууһун Олом Күөлүн эргин ардай аһыылаах бөрөлөр баалларын туһунан “Наахара” бааһынай хаһаайыстыбатын баһылыга Егор…
Хаҥалас улууһугар дьахтар бииргэ олорор эр киһитин быһаҕынан анньан эчэтэн, холуобунай дьыала тэрилиннэ. Биир сарсыарда…
Өксөкүлээх Өлөксөй аатынан Норуоттар доҕордоһууларын дьиэтигэр «НовоГОДний лабиринт МультиВСЕленной» диэн оҕо тыйаатырын туруоруутун көрдөрдүлэр. Манна…