Бүгүн Саха Өрөспүүбүлүкэтин Судаарыстыбаннаһын күнүгэр биир бэлиэ түгэн тосхойдо. Ол курдук, Мэҥэ Хаҥалас улууһун Аллараа Бэстээх бөһүөлэгэр элбэх кыбартыыралаах саҥа дьиэ үлэҕэ киирдэ.
Бу дьиэ аадырыһа — Кооперативнай уулусс 6 №-дээх дьиэтин 2 куорпуһа. Саҥа дьиэ 26 кыбартыыралаах. Онон “Сталь” ХЭТ тутааччы (ген.дириэктэр Александр Александрович Куличкин) болдьоҕор тутан киллэрбит дьиэтигэр саахаланар туруктаах дьиэлэртэн көспүт 15 ыал уонна 11 тулаайах оҕолор олоруохтара.
— Бүгүн саҥа дьиэ күлүүһүн үөрүүлээхтик туттарыы сиэрэ-туома буолла. Үөрүүлээх тэрээһиҥҥэ улууспут баһылыга Дмитрий Тихонов, СӨ үлэҕэ уонна социальнай сайдыыга миниистирэ Елена Волкова, Аллараа Бэстээх бөһүөлэгин баһылыгын быстах кэмҥэ толорооччу Ирина Егорова, тутааччылар, улуус социальнай хааччыйыыга салаатын үлэһиттэрэ кытыннылар. Олохтоохтор өрөспүүбүлүкэ уонна улуус салалталарыгар уонна тутааччыларга истиҥник махтаннылар. Биһиги бары үөрэн олоробут, биир дойдулаахтарбыт кыстыгы саҥа, мааны, сылаас дьиэҕэ көрсөллөрүттэн, — диэтэ Аллараа Бэстээх дьаһалтатын кылаабынай исписэлииһэ Лена Осипова.
Хартыскалары ыытта: И.Е.Назарова.
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …
ИДьМ Дьокуускайдааҕы салаатын полиция 1-кы нүөмэрдээх отделыгар куорат олохтооҕо чааһынай дьиэтиттэн 66 тыһ. солк. суумалаах…
Инбэлииттэргэ уонна инбэлиит оҕолоох дьиэ кэргэттэргэ араас өрүттээх көмө оҥоһуллар. СӨ Үлэҕэ уонна социальнай сайдыыга …