Хаартыска .sakha.gov.ru ылылынна
Өрөспүүбүлүкэ күнүн көрсө «Аллараа Бэстээх — Чурапчы — Аллараа Бэстээх» суолунан 206 №-дээх маршрут муус устар 26 күнүттэн олохтонуо. Күн ахсын үстүү рейс оҥоһуллуо диэн Тырааныспар уонна суол хаһаайыстыбатын министиэристибэтиттэн иһитиннэрэллэр.
«Былырыын, Саха АССР 100 сылыгар, Ил Дархан Айсен Николаев сорудаҕынан уопсастыбаннай тырааныспардарга саҥа бырагыраама оҥоһуллубута. Өрөспүүбүлүкэ 100 саҥа оптуобустаммыта. Быйыл куорат таһыгар сылдьарга уонна оройуоннарга сылдьарга өссө 25 оптуобус ылыллара былааннанар. Бүгүҥҥү күҥҥэ Горнай, Нам, Хаҥалас улуустарыгар оптуобустар сылдьаллар. Өрөспүүбүлүкэ күнүн көрсө чурапчыларга оптуобус сырыыта олохтонуо«, — диэтэ СӨ Тырааныспар уонна суол хаһаайыстыбатын миниистирэ Владимир Сивцев.
Чурапчыттан Аллараа Бэстээххэ диэри бастакы рейс 07.00 ч., иккис рейс Аллараа Бэстээхтэн Чурапчыга диэри – 18.00 ч. Уонна 21.00 ч. үһүс рейс Чурапчыттан Аллараа Бэстээххэ диэри сылдьыа диэн иһитиннэриигэ этиллэр. Айан кэмигэр Аллараа Бэстээххэ, Тумулга, Төҥүлүгэ, Нуораҕанаҕа, Мырылаҕа уонна Чурапчыга тохтуур. Аллараа Бэстээхтэн биэрэктэн айанныыллар. Чурапчыга Октябрьскай уул. 27.
СӨ Ил Дарханын уонна Бырабыыталыстыбатын пресс-сулууспата
Бүгүн, балаҕан ыйын 18 күнүгэр, Үөһээ Дьааҥы, Өймөкөөн, Өлөөн, Мииринэй, Эдьигээн оройуоннарыгар инчэҕэй хаар түһэрэ…
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…