Аллараа Бэстээхтэн Чурапчыга диэри оптуобустар хаһааҥҥыттан сылдьыахтарай?

Бэҕэһээ Аллараа Бэстээх — Чурапчы хайысхатынан  оптуобус сырыытын олохтуур сыаллаах, тургутан көрөр бастакы рейси оҥордулар. 

Туһааннаах хайысханан  оптуобус сырыыта муус устар 27 күнүттэн саҕаланыаҕа. Оптуобустар күн ахсын Аллараа Бэстээх — Чурапчы маршрутунан айанныахтара диэн тырааныспар уонна суол  хаһаайыстыбатын миниистирэ Владимир Сивцев иһитиннэрдэ.

— Билигин бэлэмнэнии үлэлэрэ ыытыллаллар.  Муниципалитеттар икки ардыларынааҕы дьону таһыыга табыгастаах оптуобустар сылдьыахтара.  Бэҕэһээ Саха АССР 100 сылыгар аналлаах тэрээһиннэр чэрчилэринэн  ылыллыбыт оптуобуһунан  бэрэбиэркэлиир  рейс оҥоһуллубута, — диэн миниистир  эттэ.

Бастакы сырыы кэмигэр оптуобус тохтобулларын, пассажирдар оптуобуһу кэтэһэр сирдэрин, бириэмэтин үөрэттилэр.