“Сахаэнерго” АУо (РусГидро бөлөҕүн “Якутскэнерго” ПАУо-ҕа киирэр) электрическэй ситимнэрин Аллараа Халыма оройуонун үлэһиттэрэ кыстыкка бэлэмнэнэн, сүрүн уонна көмөлтө тэриллэрин, уот линияларын, дьиэлэрин-уоттарын өрөмүөннээтилэр.
Ол курдук, Аллараа Халыматааҕы РЭС үлэһиттэрэ сыл саҕаланыаҕыттан түөрт уот дизельнэй ыстаансыйатын дизельнэй тэрилин уонна Походскай, Колымскай уонна Андрюшкино сэлиэнньэлэригэр уот эбийиэктэрин тоҕус көмөлтө тэриллэрин өрөмүөнүн ыыттылар.
Черскэй бөһүөлэгэр Аллараа Халыматааҕы РЭС трансформатор икки подстанциятын уларытта. Уот үлэһиттэрэ “Якутоптторг” тэрилтэ саҥа ыскылаатын уотунан бигэтик хааччыйыыга трансформатор подстанциятын туруордулар. Ону тэҥэ Походскай сэлиэнньэтигэр симметрирующай трансформаторы таҥнылар.
2022-2023 сыллардааҕы күһүҥҥү-кыһыҥҥы кыстык саахала суох ааһарыгар наадалаах уматыгы Аллараа Халыма оройуонугар сүүс бырыһыан тиэртилэр. Сэлиэнньэлэргэ 6-10кВ күүрүүлээх уот линиятын өрөмүөнэ былаан быһыытынан бара турар. Бүгүҥҥү туругунан, Аллараа Халыма энергетиктэрэ 5,05 км өрөмүөннүүр былааннарыттан 4,7 км хайы-үйэ оҥордулар. Ону тэҥэ ЛЭП харыстанар зонатыгар 1 гектар кэриҥэ маһы-талаҕы уотунан хааччыйыы быстыбатын туһугар ыраастаатылар.
“Сахаэнерго тус эппиэтинэһигэр киирэр 23 улууска бу ыытыллар үлэлэр түмүктэнэн эрэллэр. Биһиги ыытар өрөмүөммүт, туох-ханнык иннинэ, туһанааччыларбыт күһүҥҥү-кыһыҥҥы кэмҥэ уотунан бигэ туруктаах хааччыллыыларыгар туһуланна”, — диэн бэлиэтээтэ “Сахаэнерго” АУо генеральнай дириэктэрин бастакы солбуйааччы – кылаабынай инженерэ Петр Кондратьев.
“Сахаэнерго” АУо пресс-сулууспата
Хаартыска: тустаах саайтан
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…