Хаартыска sakha.gov.ru ылылынна
Аллараа Халымаҕа Андрюшкиноҕа стоматологтар биригээдэлэрэ тиийэн үлэлиир. Номнуо 35 улахан киһини уонна 127 оҕону көрбүттэр.
Исписэлиистэр портативнай стоматологическай тэриллээхтэр.
-Хас биирдии нэһилиэнньэлээх пууҥҥа хастыы да күн үлэлиибит. Бу, бастатан туран, олохтоохтор тиистэрэ мөлтөҕүттэн тутулуктаах. Элбэх киһи тииһин эмтиэххэ наада. Оттон ол биһиэхэ биирдэ эрэ кэлиилэринэн быһаарыллыбат. Кэтээн көрүөххэ, иккис-үһүс күннэригэр ситэри эмтиэххэ наада. Бу эмтиир кэммитигэр өйдөтөр-сүбэлиир, чэбдигирдэр үлэни ыытабыт уонна сүбэ-ама биэрэбит. Тиистэрэ адьас улахан мөлтөх, уустуктардаах буоллаҕына, Дьокуускайга ыытабыт. Бүгүҥҥү күҥҥэ биир оннук түбэлтэ баар, — диэн кэпсиир стоматолог-быраас Василий Григорьев.
—Стоматологтар мобильнай биригээдэлэригэр махтанабыт. Биһиэхэ, хотугу улуус дьонугар-сэргэтигэр, тиис ыарыыта диэн биир саамай кыһалҕалаах боппуруоспутунан буолар, — диэн санаатын үллэстэр биэс оҕо ийэтэ Ольга Бандерова.
Кэлэр нэдиэлэҕэ биригээдэ Халыма бөһүөлэгэр үлэлиир. Оттон бүгүн иккис стоматологическай биригээдэ Эдьигээн оройуонугар барда.
Мобильнай дуоктардар бырайыак былырыын Ил Дархан Айсен Николаев көҕүлээһининэн саҕаламмыта. Араас хайысхаларынан үлэлиир исписэлиистэр киирбит мобильнай биригээдэлэрэ өрөспүүбүлүкэ бары арктическай оройуоннарын хаптылар. Үлэ өрөспүүбүлүкэҕэ дойду бэрэсидьиэнэ Владимир Путин сорудаҕын толоруу иитинэн уонна мэдиссиинэ көмөтүн уонна хаачыстыбатын үрдэтэр соруктаах ыытыллар.
СӨ Ил Дарханын уонна бырабыыталыстыбатын пресс-сулууспата
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ уоту кытта бохсооччуларын түмтэ.…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…