Аллараа Халыма улууһун оскуолата уонна административнай дьиэтэ ирдэбилгэ сөп түбэспэт туругунан борокуратуура миэрэ ылла

Өрөспүүбүлүкэ борокуратууратын сорудаҕынан Аллараа Халыма борокуратураата үөрэх эйгэтигэр бэрэбиэркэ оҥордо.

Черскэйдээҕи 7-с көрүҥнээх анал (коррекционнай) интэринээт-оскуола дьиэтэ 1968 сыллаах тутуу, ирдэбилгэ сөп түбэспэт тиэхиньиичэскэй туруктааҕа, эбийиэккэ хапытаалынай өрөмүөн ыытыллыбатаҕа  быһаарылынна. Бу туһунан Борокуратуура телеграм ханаалыгар иһитиннэрэллэр.

Эрэгийиэннээҕи УГСЖН уонна Роспотребнадзор управлениетын салаатын исписэлиистэрэ кыттыылаах чинчийэн көрүү кэмигэр эркинэ уонна кирилиэһэ хайдыбыта, хоруобуйатын сабыыта манна анала суох матырыйаалынан оҥоһуллубута, оҕолор үөрэнэр  уонна олорор сирдэригэр кырааската хоҥнубута, уу тэстибитэ, кырааскаламмыт сиринэн хайа барыы, о.д.а. баара билиннэ.

Борокуратуура сурук түһэрдэ, үөрэх тэрилтэтэ уонна тэрийээччи анал тэрилтэни сыһыаран дьиэ тиэхиньичэскэй туругун чинчийэр, ону тэҥэ, өрөмүөн ыытар туһунан эбээһинэстиир ирдэбил суругу суукка ыытта.

Бу курдук кэһиллиилэр 1978 сыллаахха тутуллубут, билигин 16 тэрилтэ үлэлии олорор, итинтэн биэһэ муниципальнай тэрилтэ, административнай дьиэтигэр бааллара быһаарылынна.

Манан сибээстээн, борокуратуура суукка “Хаһаайыстыбаннай үлэ управлениетыгар” итиэннэ кини тэрийээччитигэр кэһиллиилэри туоратыыны эбээһинэстир суругу суукка ыытта.