Хаартыска: А.Сорокин (ЯСИА)
От ыйын 7-11 күннэригэр Саха сиригэр Аллергияны сэрэтэр нэдиэлэ ыытыллар. Бу тэрээһин от ыйын 8 күнүгэр ыытыллар Аан дойдутааҕы аллергияны утары охсуһар күҥҥэ ананар.
Бу хамсааһын аан дойдуга биир саамай тарҕаммыт олоҕурбут ыарыы — аллергия сибикилэрин, төрүөттэрин уонна сэрэтэр ньымаларын туһунан дьон-сэргэ билиитин үрдэтиигэ туһуланар.
Доруобуйа харыстабылын министиэристибэтин исписэлиистэрэ аллергияны үүнээйи куоппаһа, ас-үөл бородууксуйата, эмп-томп, үөн-көйүүр ытырыыта уонна да атын биричиинэлэр үөскэтиэхтэрин сөбүн бэлиэтээтилэр. Саамай тарҕаммыт көрүҥнэринэн аллергическай ринит, бронха астмата, крапивница уонна атопическай дерматит буолаллар.
Нэдиэлэ чэрчитинэн, быраастар аллергическай ыарыылары эрдэттэн быһаарыы уонна эмтээһин таһымын үрдэтэр санаалаахтар, сэрэтии ньымаларын, ол иһигэр гигиена, аһылык туһунан кэпсииллэр уонна бэйэ эмтэниитэ кутталлааҕын туһунан сэрэтэллэр.
Нэдиэлэ чэрчитинэн, аллергия сэрэтиитин туһунан ыстатыйалар, ону тэҥэ, аллергологтар уонна иммунологтар кыттыылаах биэриилэр өрөспүүбүлүкэ медиа-ситимнэригэр, ол иһигэр тэлэбиидэнньэҕэ уонна араадьыйаҕа тахсыахтара.
Аллергияны сэрэтэр нэдиэлэ — доруобуйа туһунан толкуйдуур, эрэллээх информацияны ылар уонна олох хаачыстыбатын тупсарар хардыылары оҥорор төрүөт.
Санатан эттэххэ, Аан дойдутааҕы аллергияны утары охсуһар күн — 2005 сылтан от ыйын 8 күнүгэр Аан дойдутааҕы аллергия тэрилтэтин уонна Аан дойдутааҕы иммунопатология тэрилтэтин быһаарыыларынан бэлиэтэнэр.
Алтынньы ыйга Саха сиригэр өссө 20 км уһуннаах эрэгийиэннээҕи суолталаах суол өрөмүөнэ түмүктэннэ. Бу туһунан…
Үлэ ырыынагар үлэһит илии тиийбэтэ уонна импорты солбуйар оҥорон таһаарыы күүскэ сайдыыта кэнники сылларга хамнас…
Таатта улууһун борокуратууратын быһаарбытынан, Алдан нэһилиэгин баһылыга дуоһунаһын туһанан, урбаанньыт быраатын кытта 453 тыһ. солк.…
Реабилитацияланарга тэхиниичэскэй сириэстибэлэри прокаттыыр пууннар өрөспүүбүлүкэ бары улуустарыгар уонна Дьокуускай куоракка аһылыннылар, диэн СӨ Үлэҕэ…
Бүгүн Хаҥалас улууһугар бэлиэ тэрээһин – Тыгын Дархан пааматынньыгын уонна кини сыдьааннарыгар анаммыт мемориальнай комплексы…
«Кыайыыга бииргэ!» өрөспүүбүлүкэтээҕи хамыыһыйа байыаннай сулууспалаахтары эбии хааччыйыыга былааннаах үлэтин салгыыр. Кэлэр нэдиэлэҕэ байыаннай дьайыы…