160 км уһуннаах гаас турбата Накыыннааҕы рудалаах сири уонна Среднетюнгскайдааҕы сир баайын хостуур сири ситимниэҕэ. Гаас ситимин салаалара оҥорон таһаарар эбийиэктэри уонна алмаас хостуур баахтабай бөһүөлэктэри уотунан хааччыйыыны бөҕөргөтүөҕэ. Ону сэргэ кэлин оройуон нэһилиэнньэлээх пууннарын гааһынан хааччыйарга көмөлөөх буолуоҕа.
Ил Дархан Айсен Николаев бэлиэтииринэн, Накыыннааҕы сүүрүгү тутуу уонна магистральнай гаас турбаларын Среднетюнгскайдааҕы сир баайын хостуур сиртэн Ньурбатааҕы хайа байытар кэмбинээккэ тиэрдии — устуоруйаҕа киирэр түгэн буолар.
«Экэниэмикэ хараҕынан олус бэрт бырайыак. Өрөспүүбүлүкэбитин гаас ситиминэн хааччыйыыга олус суолталаах хардыы буолар. Сахатранснефтегаз маннык улахан тутууну тутан уопуттанна, онон көхтөөхтүк чугас сытар сири-уоту ылсан үлэлэһэн саҕалыа, ол курдук Үөһээ Бүлүү , Ньурба, кэлин Сунтаар сирин-уотун гаастааһыҥҥа ылсыаҕа», – диэтэ Айсен Николаев.
Ил Дархан гаас ситимэ 2025 сыл бүтүөр диэри үлэҕэ киириэҕэр эрэллээҕин иһитиннэрдэ. Кини АЛРОСА уонна Сахатранснефтегаз тэрилтэлэргэ бырайыагы олоххо киллэриилэрин иһин махтанна.
«Бырайыагы олоххо киллэрии АЛРОСА-ҕа улахан суолталаах. Накыыннааҕы сир баайын хостуур сиргэ инникилээхбиир сүрүн комплекспыт үлэлиир. Накыын былаһааккатыгар гаас ситимин тардыы 2026 сылтан чэпчэки сыаналаах уонна айыл5аттан ыраас оттукка көһөргө, ону сэргэ экэниэмикэ төлөбүрүн намтатыа, айылҕаны киртитиитэ биллэ аччыа. Мииринэйдээҕи-Ньурбатааҕы хайа байытар комплекска уот ситимин эниэргийэтин оҥорон таһаарар гаас установката оҥоһулунна. Онон ньиэп уонна дизельнэй оттук өттүнэн быдан барыстаах», – диэн бэлиэтээтэ Павел Маринычев.
«Сахатранснефтегаз» генеральнай дириэктэрэ Алексей Колодезников магистарльнай гаас ситимин турбаларын тардарга туох барыта бэлэмин иһитиннэрдэ.
РФ Социальнай пуондатын 2025 сыллааҕы дааннайдарынан, куоракка олорор дойду олохтоохторун орто биэнсийэлэрин кээмэйэ тыа сирин…
Бүгүн, атырдьах ыйын 31 күнүгэр, өрөспүүбүлүкэ икки улууһугар быстах кэмҥэ өрөмүөн үлэтэ ыытылларынан сибээстээн, күн…
Бүгүҥҥү күн Кыыс бэлиэтигэр киирэн, биһигиттэн чопчу буолууну, болҕомтону уонна олоҕу сааһылааһыны ирдиир. Дьыалаҕа-куолуга, үлэҕэ-хамнаска,…
Өрөспүүбүлүкэ үгүс улуустарынан бүгүн, атырдьах ыйын 31 күнүгэр, сөҥүүтэ суох, сылаас күн. Сорох сиринэн быстах…
Үнүр солуоҥҥа тыҥырах оҥорторо тиийдим. Дьоҕус остуолга “Хаас оҥорторорбор гепатит, СПИД, сифилис уо. д. а. ыарыылар сыстыахтарын…
Бүгүн, атырдьах ыйын 30 күнүгэр, Дьокуускай куоракка Саха гимназиятыгар уопсастыбанньыктар, волонтердар, төрөппүттэр, үөрэнээччилэр кыттыылаах "Дьокуускай…