Алмаастарга Арассыыйа Дьоруойдарын ааттарын иҥэрдилэр

Ил Дархан Айсен Николаев 11 бөдөҥ алмааска Арассыыйа Дьоруойдарын аатын иҥэрэр туһунан дьаһалга илии баттаабыта.

Бүгүн, ыам ыйын 6 күнүгэр, Улуу Кыайыы 80 сылын көрсө, өрөспүүбүлүкэҕэ төрөөбүт дойдуну көмүскээччи сылынан СӨ Сокровищницатыгар “Алмазы Героев России” диэн быыстапка үөрүүлээх аһыллыыта буолла.

Быыстапка Аҕа дойду улуу сэриитин уонна байыаннай дьайыы  кыттыылаахтарын ситимнээтэ. Быыстапка ыам ыйын 7 күнүттэн от ыйын 25 күнүгэр диэри үлэлиэҕэ.

Быыстапкаҕа  11 алмааска Арассыыйа Дьоруойдарын ааттарын иҥэрдилэр. Маны сэргэ, Аҕа дойду сэриитигэр Сэбиэскэй Сойуус Дьоруойун аатын сүкпүт саха дьонун олохторун туһунан билсиэххэ сөп. Ол курдук, оҥоһуу өй нөҥүө  кинилэр хаартыскаларын «тилиннэрбиттэр». Сүрүн болҕомто саха норуотуттан бастакынан Сэбиэскэй Сойуус Дьоруойа буолбут Федор Поповка ууруллубут.

СӨ бырабыыталыстыбатын уонна аҕа баһылыгын дьаһалтатын салайааччыта Георгий Михайлов алмаастар символикаларын туһунан санаатын эттэ:

Тэрээһиҥҥэ ырыаһыт, байыаннай дьайыыга анаан ырыалар ааптардара Эрхаан ыллаата.

Арассыыйа Дьоруойа Игорь Юргин:

Тэрээһин олус сэргэхтик ааста. Арассыыйа Дьоруойдарыттан Игорь Юргин, “Алеша” танкиһа Филипп Евсеев, ону сэргэ байыаннай дьайыы кыттыылаахтара кыттыыны ыллылар.