Хаартыска: Ил Дархан пресс-сулууспата
Саха сирэ Алматы куоракка Ыхлас аатынан муусука норуодунай үнүстүрүмүөннэрин мусуойугар саха эдэр маастара Амаантай Григорьев оҥорбут күпсүүрүн, сиксиирин уонна ытыгыйын, ону сэргэ Руслан Габышев кырыымпатын бэлэхтээтилэр.
Бүгүн Казахстааҥҥа Саха сирин күннэрин чэрчитинэн Алматы куоракка Саха сирин муусукатын уонна фольклорун мусуойун пуондуттан “Чарующие звуки предков” көһө сыһа сылдьар быыстапка аһылынна.
Тэрээһин кыттыылаахтара виртуоз-мусукааннар Руслан Габышев, Анна уонна Афанасий Томскайдар уо.д.а. толорууларын олус сэргээтилэр. Ыалдьыттар саха омугун үнүстүрүмүөннэрин туһунан лиэксийэни олус сэргээтилэр, ким баҕалаах бу үнүстүрүмүөннэргэ оонньоон көрөр кыахтанна.
Алматы култуураҕа управлениетын салайааччы Гани Майлыбаев Саха сирин култууратын билиһиннэрбиттэригэр махтанна.
“Дойду мусуойдарын сайыннарыы уонна улахан былааннары олоххо киллэрии хардарыта бииргэ үлэлээһинтэн тутулуктаах. Биһиги олохтоммут сыһыаны олус сыаналыыбыт уонна хардарыта бииргэ үлэлээһин икки дойду култуурата сайдарыгар көмөлөһүөҕэр эрэнэбит”, — диэтэ Г.Майлыбаев.
Санатан эттэххэ, Казахстааҥҥа Саха сирин күннэрэ Казахстаан Өрөспүүбүлүкэтин Бэрэсидьиэнэ Касым-Жомарт Токаев уонна СӨ Ил Дархана Айсен Николаев икки ардыларыгар 2023 сыл тохсунньуга көрсүһүүлэригэр түһэрсибит дуогабардарынан ыытыллаллар.
Ньурба улууһун Октябрьскай нэһилиэгэр байыаннай дьайыы кыттыылаахтарын оҕолоругар Саҥа дьыллааҕы бэлэхтэри туттардылар. Хаһыс да сылын…
Бэҕэһээ, ахсынньы 28 күнүгэр 22:18 чааска «Восточный космодромтан «Союз-2.1б» аракыата көппүтэ. «Союз-2.1б» көтөр кэмигэр Саха…
Бу өрөбүлгэ «Восточнай» космодромтан «Союз-2.1б» аракыата көппүтэ. Бүлүү улууһун Үгүлээтигэр быыһааччылар бөлөхтөрө "Роскосмос" үлэһиттэрин кытта…
Бүгүн, ахсынньы 29 күнүгэр, өрөспүүбүлүкэ соҕуруу өттүгэр кыралаан хаардыаҕа, киин оройуоннарга сорох сиринэн туманнаах тымныы…
Бу нэдиэлэҕэ эргэ сыл түмүктэнэр, саҥа сыл саҕаланар. Сулустар Чубуку бэлиэтигэр күүскэ дьайаллар, онон бу…
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…