«Алмазы Анабара» хампаанньа бөртөлүөтэ Өлөөҥҥө сүппүт сүүһүнэн табаны булла

Өлөөн улууһуттан үөрүүлээх сонун кэллэ. Бөртөлүөтүнэн көрдүүр үлэ түмүгэр сүппүт таба үөрүн улахан аҥаара көһүннэ, диэн «Илкэн» портал иһитиннэрэр.

Саха Өрөспүүбүлүкэтин Ил Түмэнин дьокутаата Елена Голомарева иһитиннэрбитинэн, улууска «Алмазы Анабара» хампаанньа бөртөлүөтэ көппүт. Бастакы көтүү кэмигэр 400-чэ табаны булбуттар, оттон иккиһин эргийэн көтүүгэ — өссө 200-һү.

«Биһиги табаһыттарбыт, өлөөннөр үөрүүлэрэ үгүс! «Алмазы Анабара», «АЛРОСА» салайааччыларыгар бириэмэтигэр көмөлөспүттэригэр улахан махтал», — диэн Елена Голомарева бэлиэтээтэ. Кини этэринэн, хаалбыт 200-чэ табаны көрдүүр үлэ салҕанар. Бу иннинэ 900-чэ төбөлөөх таба үөрүн бөрөлөр туундараҕа үүрэн илдьэ барбыттара иһиллибитэ.

900-кэ табаны бөрөлөр күрэтэн бардылар диэн иһитиннэрии тарҕанна