Хаартыска: Быыһааччылар сулууспаларын тг-ханаала.
От ыйын 23 күнүгэр Победа хайаҕа эмсэҕэлээбит альпинист-туристары эвакуациялааһын салҕанар. “Полярнай авиалиниялар” МИ-8 бөртөлүөттэрэ уонна Саахал мэдисиинэтин кытта Быыһыыр сулууспа альпинистара көтөргө бэлэмнэр.
Бэҕэһээ быыһааччылар күнү быһа Өймөкөөн халааныгар түбэспит дьону таһан баран, ыкса киэһэ быһылаан буолбут сиригэр көппүттэрэ. Координаттарынан туристары булбуттара, ол гынан хараҥаҕа уонна мөлтөх метео-усулуобуйаҕа атахтарын өлөрбүт дьахталлар балааккаларыгар кыайан тиийбэтэхтэрэ.
— Сайынын тарыҥнар килэрийэллэр, онон аһара халтархай буолаллар, — диир Быыһыыр сулууспа начаалынньыга Иннокентий Андросов. – Бөртөлүөт хайа хапчаанын быыһынан көтөр. Үс альпинист үөһэ хаалла, атахтарын өлөрбүт дьахталлары наһыылканан эрэ таһаарабыт. Бүгүн Саахал мэдисиинэтин кытта Быыһыыр сулууспа альпинистара барыахтара. Быйыл кинилэр Победа хайаҕа сылдьыбыттара, эрчиллибиттэрэ. Бу — Макаров Николай, Ноев Альберт, Алексеев Тит, Мостахов Александр, Леонов Андрей уонна бөлөх салайааччыта Валерий Андросов. Бөртөлүөт лүөччүгүнэн уопуттаах хамандыыр Тимур Бесаев көтүөҕэ. Ол гынан баран барыта күнтэн-дьылтан тутулуктаах.
Иннокентий Андросов кэпсээбитинэн, эвакуация икки барыйааннаах. Бастакыта – бөртөлүөт эмсэҕэлээбиттэргэ тиийэр, итиэннэ тыала суох буоллаҕына, парашюта суох десанныыр ньыманан дьону бөртөлүөккэ таһаараллар. Иккис – бөртөлүөтү штурмовой лааҕырга түһэрэн баран, дьахталлары Күөрэтэр перевалын нөҥүө аҕалан, муус тарыҥҥа түһэрэллэр, ол кэннэ бөртөлүөккэ илдьэллэр. Бу арыый да куттала суох барыйаан. Сүрүнэ, халлаан хараҥарыар диэри баттаһыахха наада диэн суруйар Быыһыыр сулууспа тг-ханаала.
Сайыҥҥы уһун сынньалаҥнар кэннэ үлэ, үөрэх дьыла саҕаланыыта дьиэ кэргэн бүддьүөтүгэр улахан хамсааһын тахсар. Маныаха…
Өлүөхүмэ улууһугар 44 саастаах эр киһи матасыыкылынан айаннаан иһэн сылгыны кытта харсыспыт. Ол түмүгэр суоппар…
Бүгүн Доҕордоһуу болуоссатыгар куорат 393 сылыгар аналлаах Оһуокай үрдүк таһымнаахтык ыытылынна. [gallery ids="241612,241622,241621,241620,241619,241618,241617,241616,241615,241614,241613,241610,241611"] Оруобуна 1…
Дьокуускай куорат күнүн көрсө мээр Евгений Григорьев суруналыыстары мунньан пресс-конференция ыытта. Тэрээһин быйыл күһүн үлэҕэ…
Ханнык баҕарар норуокка инники сайдыыны быһаарар күүһүнэн дойдуларын туһугар күүскэ, бэриниилээхтик үлэлии сылдьар, сайдыы суолун…
Үөрэх үгүс кыһаларыгар оҕолор икки ардыларыгар араас сыһыан баар буолар. Доҕордоһуу, кэпсэтии, тэрээһиннэргэ кыттыы, ону…