АЛРОСА 100 мөлүйүөн солкуобайы технологическай стартапка ыытыаҕа

АЛРОСА хампаанньа 100 мөлүйүөн солкуобайы технологическай стартапка инвестициялыырын туһунан сөбүлэҥи «Хозактив-2025» пуорумҥа түһэристилэр. Сөбүлэҥи Ил Дархан Айсен Николаев баарына АЛРОСА генеральнай дириэктэрэ Павел Маринычев уонна СӨ инновациятын сайдыытын пуондатын дириэктэрэ Вера Птицына баттастылар.

2025-2028 cc. пуондаҕа бэриллибит үп-харчы IT бырайыактар, кыра технологическай хампаанньалар сайдыыларыгар ыытыллыаҕа. Түһэрсиллибит сөбүлэҥ аан дойду таһымнаах алмаас хостуур хампаанньаны уонна инновация сайдыытын пуондатын кытта үлэтин салҕыыр.

Алмаас хостуур былаһааккаларга бүгүҥҥү күҥҥэ чинчийиилэр, ону сэргэ хайа, карьернай тиэхиньикэ үлэлэрэ ыытыллаллар. АЛРОСА үлэһиттэригэр цифровой «Скиллометр» платформа киирбит. Бүгүҥҥү күҥҥэ сэттэ тыһыынча үлэһит туһанар.

«Стартаптары, Саха сирин хампаанньаларын инновациятын  өйөөһүн биһиги социальнай эрэ эппиэтинэспит буолбатах, стратегическай  наада буолар. Хас биирдии быһаарыы биһиги үлэбит хаамыытын тупсарар. Биһиги пуонданы кытта үлэлэһиибит үлэни тупсарыаҕа», — диэтэ Павел Маринычев.