Ил Дархан Айсен Николаев «АЛРОСА» АХ уонна СӨ инновациятын сайдыытын пуондатын икки ардыгар илии баттаһыы тэрээһинигэр кыттыыны ылла.
«АЛРОСА» хампаанньа саҥа сүүрээннээх бырайыактары олоххо киллэриини уонна тастан киирии бырагырааматын солбугунан хааччыйыыны өйөөһүҥҥэ үс сыл устата 100 мөл. солк. көрүө. Манна сөптөөх докумуоҥҥа «АЛРОСА» хампаанньа гендириэктэрэ Сергей Иванов уонна СӨ инновациятын сайдыытын пуондатын дириэктэрэ Василий Ефимов илии баттастылар.
2023-2025 сс. пуондаҕа бэриллэр үп өрөспүүбүлүкэ ИТ-хампаанньаларын күүһүнэн бырагыраамалары оҥорууга ыытыллыа. Ол курдук, ИТ сүрүннээн геологическай чинчийиигэ, хостооһуҥҥа уонна байытыыга, техническэй көрүүгэ уонна тиэхиньикэни өрөмүөннээһиҥҥэ, бырамыысыланнай куттал суох буолуутун, о.д.а. быһаарыыга бырагыраамалары оҥоруо. Оҥоһуллар бырагыраамалар «АЛРОСА» хампаанньа туохха наадыйарын учуоттаан оҥоруо.
«Бу дуогабар улахан суолталаах. Бастатан туран, ИТ-салааҕа тас дойдуттан киирии солбуга – дойду бэйэтин технологическай оҥорон таһаарыыны хааччыйар сүдү суолталаах. «АЛРОСА» хампаанньа бу хайысхаҕа хардыыны оҥоруута, кини арҕаа дойдулар оҥорон таһаарар бородуукталарыттан тутулуга суох, бэйэтин кыаҕынан, бириэмэтинэн, үбүнэн бэйэтин бэйэтэ хааччынарга туруммутун бэлиэтиир. Иккиһинэн, ити үлэҕэ СӨ инновациятын сайдыытын пуондатын тардыы биһиги оҥорон таһаарааччыларбытын дьарыктаах буолалларын хааччыйыа. Итини таһынан, дуогабарга ыйыллыбыт соруктар биизинэһи хааччыйыыга туһуланыахтара. Бу биһиги программистарбыт сайдалларыгар олус суолталаах, интэриэһинэй буолуо», – диэн эттэ Ил Дархан дуогабары баттаһыы кэмигэр.
Онтон Сергей Иванов этэринэн, «АЛРОСА» хампаанньаҕа бүгүҥҥү күҥҥэ цифровизация эйгэтигэр уонунан бырайыак олоххо киирэр, олор бары хайысхаҕа уонна биисинэскэ туһуланаллар. ИТ быһаарыы сороҕун хампаанньа бэйэтин исписэлиистэрэ оҥороллор уонна олоххо киллэрэллэр. Ол да буоллар, цифровой бырагырааманан хааччыйыы сыл аайы сайдан иһэр, аныгылыы ирдэбили эрэйэр, оҥорон таһаарыы көдьүүһэ онтон улахан тутулуктаах. «Бүгүн Саха сиригэр ИТ хайысхата күүскэ сайдар уонна элбэҕи ситистибит.
Өрөспүүбүлүкэ салалтата экэниэмикэ бу салаатын өйүүр. СӨ инновациятын сайдыытын пуондата бу эйгэ ортотугар сылдьар уонна ырыынак уратытын, кыахтарын билэр. Пуонда исписэлиистэрэ цифровизация салаатыгар туруоруллубут соругу ситиһэргэ бастыҥ бырайыактары уонна хампаанньалары таларга көмөлөһүөхтэрэ», – диэн Сергей Иванов эттэ.
«Инновация сайдыытын пуондата стартаптары уонна бөдөҥ хампаанньалары сибээстии звено буолар, «АЛРОСА» хампаанньаны кытта бииргэ үлэлээһин саҥа кэрдиискэ тахсыбытыттан үөрэбит. Бүгүҥҥү дуогабар ИТ хайысхата сайдарыгар саҥа кыахтары биэриэ», – диэтэ Василий Ефимов.
Бу салааты биирдэ амсайбыт киһи умнубат, астына-дуоһуйа сиир аһа. Сайыҥҥы чэпчэки, ол эрээри тотоойу уонна…
Таатталар «Манчаар онньууларын» кэмигэр "Тааттаҕа оҥоһулунна" диэн анал быыстапканы тэрийдилэр. Бу туһунан Дьокуускай куорат олохтооҕо…
Балыксыт күнүн көрсө СӨ Тыатын хаһаайыстыбатын уонна ас-үөл бэлиитикэтин Хоту дойду төрүт салааларын сайыннарыыга уонна…
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…