Салгыы
АЛРОСА Экологияҕа киинэ  быыстапка-дьаарбаҥканы тэрийиэҕэ

АЛРОСА Экологияҕа киинэ  быыстапка-дьаарбаҥканы тэрийиэҕэ

18.11.2022, 18:42
Бөлөххө киир:

АЛРОСА Экологияҕа киинэ ахсынньы 10 күнүгэр Дьокуускайга ыытыллар “Айар Уус”  быыстапка-дьаарбаҥкаҕа кыттарга сайаапкалары тутан бүтэрдэ.

Кыттааччылар географиялара да олус киэҥ – биир ый иһигэр  Саха сирин 23 нэһилиэнньэлээх пуунуттан уонна Чукотка автономнай уокуругуттан, Москваттан 60-тан тахса сайаапка киирдэ.

Эрдэ иһитиннэрбиппит курдук, быыстапка-дьаарбаҥка Арассыыйа норуоттарын  ускуустубатыгар уонна материальнайа суох култуурунай нэһилиэстибэтигэр ананар.

“Биһиги тэрээһиммит сүрүн соруга – Саха сирин төрүт норуоттарын  үгэстэрин харыстааһын,  сайыннарыы,  култуура таһымын өйөөһүн  уонна биир дойдулаахтарбыт айар дьоҕурдарын сайыннарыы. Биһиги маннык тэрээһиннэр норуот үгэстэрин уонна үлэлэрин үүнэр көлүөнэҕэ хаалларарга көмөлөһөллөрүгэр, эдэр талааннар аһыллалларыгар, маастардар ортолоругар  саҥа ааттар тахсалларыгар, онтон биисинэс-структуралар норуот айар үлэтигэр болҕомто ууралларыгар баҕарабыт”, — диэн быыстапканы сүрүннээччи, АЛРОСА Экологияҕа киинин тулалыыр эйгэ харыстабылыгар сүрүннүүр инженерэ Валерия Пахомова санаатын үллэһиннэ.

Быыстапка ахсынньы 10 күнүгэр Дьокуускай куоракка “Куруһаала” Эргиэн киинигэр буолуоҕа. Быыстапкаҕа хайыы үйэ биллэр-көстөр уонна эдэр маастардар үлэлэрин көрүөххүт. Холобур, “Тиһилик” норуот кэлэктиибин, “Уран Саха” ювелирнай оҥоһуктарын, илиинэн оҥоһуллубут куукулалары, туостан иһиттэри уо.д.а. көрүөххүт.

Кыттааччылартан биирдэстэринэн Мииринэй куораттан “Хранители традиций” устуудьуйа кэлэктиибэ буолар. Устуудьуйа бэрэстэбиитэлэ Мария Захарова маннык кэпсээтэ:

«Биһиги быыстапка-дьаарбаҥкаҕа САССР 100 сылыгар анаммыт мастан уус-уран оҥоһуктары  көрдөрүөхпүт. Үлэбит Саха сирин устуоруйатын көрдөрөр. Мин санаабар, табылынна. Биһиги “Алгыстаах Олоҥхо сирэ”  үлэбит тоҕус хартыынаны – үөһээ, орто, аллараа дойдулары  көрдөрөр. Үөһээ  көстөр кыталыктар – Ийэ духуобунай дьүһүнэ, дүҥүр – ойуун дүҥүрэ уонна Платон Алексеевич Ойуунускай. Орто дойду  — Ньургун Боотур, Туйаарыма Куо уонна олоҥхоһут. Аллараа дойду – Боотур уонна Абааһы охсуһуулара.

Биһиги сүрүн сорукпут – мастан иһити-хомуоһу уонна миэбэли эрэ буолбакка, дириҥ ис хоһоонноох бүтүн кэпсээни оҥоруохха  сөбүн дьоҥҥо көрдөрүү. Көрөөччүлэр тапталлара, сөҕүүлэрэ-махтайыылара, соһуйуулара биһиги кыайыыбытынан буолуоҕа.

Биһиэхэ быыстапка –  бэйэбит оҥоһуктарбытын көрдөрөргө,  биир идэлээҕиҥ уонна биһиги улахан өрөспүүбүлүкэбит олохтоохторун  айар үлэлэрин көрөр, билсэр кыах”.

Дьокуускай куорат олохтоохторун уонна ыалдьыттарын барыгытын  норуот маастардарын быыстапка-дьаарбаҥкатыгар ыҥырабыт. Быыстапка кыттыылаахтара  кыайыылаахтары “”Прикладной ускуустуба” уонна “Олохтоох оҥорон таһаарыы” диэн  номинацияларынан быһаарыахтара.

(АЛРОСА пресс-киинин матырыйаалларынан)

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
20 июля
  • 18°C
  • Ощущается: 18°Влажность: 68% Скорость ветра: 2 м/с

Сообщить об опечатке

Текст, который будет отправлен нашим редакторам: