Хаартыска: АЛРОСА пресс-сулууспата
АЛРОСА Экологияҕа киинэ “Живые алмазы Якутии” паарканы тупсаран оҥорон эрэгийиэннээҕи бырайыактар граннарын куонкуруһа саҕаламмытын иһитиннэрэр. Куонкурус көмөтүнэн өрөспүүбүлүкэ олохтоохторо айылҕа пааркатын тупсарар этиилэрин киллэриэхтэрин сөп. АЛРОСА хампаанньа бастыҥ экология бырайыагын олоххо киллэрэргэ биир мөлүйүөн солкуобайы биэриэ.
“Араас сэргэх идиэйэни күүтэбит. Баҕар, ким эрэ пааркаҕа киирэр ааны, хаартыска түһэр анал сирдэри, киэргэл буолар статуялары-тутуулары, кыылы-сүөлү аһатар-уулатар кормушкалары, тыалтан-куустан харыстыыр хаххалары, дьоҥҥо-сэргэҕэ кэпсиир истиэндэлэри, о.д.а. – арааһы бары оҥоруохха сөп, – диэн АЛРОСА Экологияҕа киинин дириэктэрэ Анастасия Габрашитова кэпсээтэ. – Итини таһынан, көҕөрдүү үлэтин ыытыахха, туристарга сырдатар, оскуола оҕолорун үөрэтэр тэрээһиннэри бэлэмниэххэ сөп. Уопсайынан, биһиги ким даҕаны фантазиятын хааччахтаабаппыт. Төһөнөн элбэх киһи бырайыакка уонна волонтер хамсааһыныгар кыттар да, биһиги онтон үөрэбит эрэ. Кыайыылаах дьон бырайыага пааркабытын өссө тупсарыа, дьону-сэргэни угуйарга көмөлөһүө диэн эрэнэбит”.
АЛРОСА хампаанньа “Живые алмазы Якутии” айылҕа пааркатын өйөөбүтэ хас да сыл буолла. Онно як, бизон, таба курдук уонна да атын кыыллар тыыннаах айылҕаҕа көҥүл сылдьаллар. Паарка иэнэ 32 тыһыынча гаа, Мииринэй куораттан 11 килэмиэтирдээх сиргэ баар. Грант куонкуруһун сүрүн соруга – паарка сайдыытыгар аҥаардас идэлээхтэри эрэ буолбакка, Саха сирин араас муннугар олорор айар дьоҕурдаах араас эмиэ дьону кытыарыы.
Экология бырайыагар кыттар сайаапкалары 2025 сыл балаҕан ыйын 30 күнүгэр диэри eco@alrosa.ru. электроннай аадырыска ыытыахха сөп. кыайыылааҕы икки түһүмэҕинэн быһаарыахтара: бастаан 10 бырайыагы эспиэрдиир хамыыһыйа талыаҕа, ол кэннэ муҥутуур кыайыылааҕы дьон-сэргэ Экология киинин https://vk.com/ecologyalrosa. социальнай ситимигэр онлайн талыа.
“Зелёный проект 2.0.” грант куонкуруһугар Саха сиригэр регистрациялаах, 18 саастарын ааспыт биирдиилээн дьон эбэтэр хамаандалар, ону тэҥэ юридическай сирэйдэр кыттыахтарын сөп. Куонкурус балаһыанньатын сиһилии манна билсиэххитин сөп. Түмүк бу сыл сэтинньитигэр тахсыаҕа.
АЛРОСА экологтара “Зелёный проект” грант куонкуруһун иккис төгүлүн ыыталлар. 2022 сыллаахха “Питомник многолетних растений” диэн бырайыагынан Үөһээ Бүлүүттэн төрүттээх Лидия Алексеева кыайбыта.
Саха сириттэн Таатта биэс нэһилиэгин киирии ааннарыгар турар бэлиэлэр кыттыахтара. [gallery ids="228884,228885"] Бүтүн Арассыыйатааҕы иккис…
Хаҥалас улууһугар "Саха Боотур" диэн байыаннай-патриотическай киини бойобуой дьайыы кыттыылааҕа Андрей Артамонов - Малдьаҕар Бөртө…
Жатайга суудунаны оҥорор аарыма собуот бастакы уочарата быйыл үлэҕэ киирээри, 90 % бүтэн турар. [gallery…
Саха сирин HOTU хамаандата сүүмэрдиир матчка эрэллээхтик кыайбытынан уонна ESL Pro League лигатын сүрүн сезонугар…
Бүгүн СӨ Биоресурсаларга уонна ураты харыстанар сирдэр дириэксийэлэригэр байыаннай дьайыыттан кэлбит судаарыстыбаннай иниспиэктэри кытта көрсүһүү…
ИДьМ Ньурбатааҕы отделын дьуһуурунай чааһыгар биэнсийэлээхтэн сайабылыанньа киирбит. Кини суотабай төлөпүөнүн уорбуттарын, ону таһынан счетуттан…