Арассыыйа алмаастаах киинигэр, Мииринэй куоракка, муус устар 24 күнүгэр АЛРОСА Бүлүүтээҕи геологическай чинчийэр эспэдииссийэ кэлим байытар комплексын аһыллыытын үөрүүлээх тэрээһинэ буолла.
Саҥа комплекс аһыллыытыгар Ил Дархан Айсен Николаев, АЛРОСА генеральнай дириэктэрэ Павел Маринычев, АЛРОСА Кэтээн көрөр сэбиэтин бэрэссэдээтэлин солбуйааччы Сергей Иванов кытыннылар. Бырайыак инвестицията 385 мөл. солк. тэҥнэһэр.
Ил Дархан Айсен Николаев АЛРОСА хампаанньаҕа улахан суолталаах саҥа эбийиэк үлэҕэ киирбитинэн эҕэрдэлээтэ. АЛРОСА геологическай чинчийэр комплекса билим, технология уонна сүүһүнэн исписэлиис үлэтин ураты уһаарыллыытынан буоларын бэлиэтээн эттэ.
“Геологтар үлэлэрин түмүгүттэн хампаанньа инникитэ, кини минеральнай-сырьевой баазата тутулуктаах, АЛРОСА бүгүҥҥү-сарсыҥҥы кыаҕа сиртэн хостонор баайы бигэтик өйөөһүн уонна аан дойдуга алмаас ырыынагар инники күөҥҥэ сылдьар кыаҕы тутуу. Туһаныллар технологияттан уонна үлэ тэриллиититтэн көрдөххө, бу курдук комплексы тэрийии инникигэ киэҥник хардыылааһынынан буолар. АЛРОСА геологтара бэйэлэрин дьаһалларыгар сатабылларын, үлэ хаачыстыбатын уонна көдьүүһүн үрдэтэр маннык ураты оҥорон таһаарыы киирбититтэн үөрэбин” – диэн Айсен Николаев эттэ.
Саҥа комплекс тэрилигэр геологтар керн образеһын уонна алмаастаах сир боруодаларын боруобатын чинчийиэхтэрэ. Бу улахан алмаастаах сирдэри салгыы көрдөөһүн хайысхатын быһаарарга наадалаах. Комплекс симиэнэҕэ 2 000 кг. тиийэ боруобаны чочуйар кыахтаах. Салгыы манна ааҕыҥ https://sakha.gov.ru/news/front/view/id/3396471
Ил Дархан уонна Бырабыыталыстыба пресс-сулууспата.
Саас харалдьык саҕана тымныыны, хаары-ардаҕы билиммэккэ нуоҕайа үүнэр кэрэчээн ньургуһун сибэккини хоту сир дьоно олоххо…
Бүгүн Аан дойдуга Түмэл күнэ. Бу бэлиэ күнүнэн Емельян Ярославскай аатынан Хотугу норуоттар устуоруйаларын уонна…
Ыам ыйын 18 күнүнээҕи туругунан, Өлүөнэ өрүскэ муус барыыта Нам улууһун сиринэн-уотунан бэлиэтэнэр. Дьону Аллараа…
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…